ސްރީ ލަންކާގައި ހުންނަ ރާއްޖޭގެ އެމްބަސީން އިންތިޒާމުކޮށްގެން "ނަލަ ދިވެހިރާއްޖެ" ނަމުގައި ކުރެހުމުގެ މައުރަޒެއް ބާއްވަން ނިންމައިފިއެވެ.
އެތަނުން ބުނީ މި މައުރަޒުގައި ދައްކައިލާނީ ރާއްޖޭގެ ކުރެހުންތެރިޔާ ޢަބްދުالله ފާއިޒުގެ ކުރެހުންތައް ކަމަށެވެ. އަންނަ މަހުގެ 11-12 އަށް ކުރިއަށް ގެންދާ މި މައުޒަރުގެ ތީމަކީ "އަ ވިޝުއަލް ޖާނީ ތުރޫ މޯލްޑިވްސް" އެވެ. އެގޮތުން މައުޒަރުން ރާއްޖޭގެ ރީތިކަން ދައްކުވައިދޭ ކުރެހުންތަކެއް ފެނިގެން ދާނެ އެވެ.
މި މައުރަޒު ބާއްވަން ހަމަޖެހިފައި ވަނީ ވިޝުއަލް އެންޑް ޕަރފޯމިން އާޓްސް ޔުނިވަސިޓީގެ ޖޭޑީއޭ ޕެރޭރާ ގެލެރީގަ އެވެ. މައުޒަރަށް ހިލޭ ވަދެވޭނެ އެވެ.
އަވައްޓެރި ލަންކާ އަކީ ވަރަށް ގިނަ އަދަދެއްގެ ދިވެހިން ދިރިއުޅެމުން އަންނަ ގައުމެކެވެ.