ޓެކްސް އެޕީލް ޓްރައިބިއުނަށް ކުރިމަތިލި މީހުންގެ ނަންތައް ރައީސް ޑރ. މުހައްމަދު މުއިއްޒު ރައްޔިތުންގެ މަޖިލީހަށް ފޮނުއްވަވައި އޭގެ ތެރެއިން ހަތަރު ބޭފުޅަކަށް ރުހުން ހޯދުމަށް ހުށަހަޅުއްވައިފި އެވެ.
ޓެކްސް އެޕީލް ޓްރައިބިއުނަލްގެ ހަތަރު މެންބަރަކު މަގާމުން ވަކިކޮށްފައިވާތީ ހުސްވި މަގާމުތަކަށް ހުޅުވައިލުމުން 13 މީހަކު ކުރިމަތިލި އެވެ. އެގޮތުން ރައީސް، މަޖިލީހަށް ފޮނުއްވި ސިޓީގައިވާ ނަންތައް މަޖިލީހުގެ މިއަދުގެ ޖަލްސާގައި އަމީންއާންމު ފާތިމަތު ނިއުޝާ ވަނީ އިއްވައިފަ އެވެ.
އެ 13 މީހުންނަކީ:
* މުހައްމަދު އަމީން ޒާހިރު، ނީލާ، އައްޑޫ ހިތަދޫ
* ހަސަން ޒުހައިރު މުހައްމަދު، ގ. މާވާރުލު
* އައިޝަތު އާދަމް، ރިވެލި، ރ. އަލިފުށި
* އިބްރާހީމް ޝަރީފް، ގ. އަލިޝާ
* ޝިފްޒާ އަބްދުލްގައްޔޫމު، ގަސްދޮށުގެ، ގއ. ނިލަންދޫ
* އަހުމަދު ސައީދު، މ. ފަތްކޯނި ހުޅަނގު ބައި
* އަބްދުﷲ އަބްދުލްހަކީމް، އަޒާންޕެލަސް، ޅ. ނައިފަރު
* މުހައްމަދު ފާރިސް ތޯހާ، ހ. ސޯސަން
* އަބްދުލްޣަނީ މުހައްމަދު ހ،. ހޯސްޓްސައިޑް
* އަހުމަދު އަލީ، ހުޅުމާލެ، ފްލެޓް ނަންބަރު 1/ޖީ/108
* އަލީ ރިޒާ އިސްމާއީލް – ހުޅުމާލެ ހިޔާ 2 / 13 / 3
* ފާތިމަތު ޝަފީނާޒ، ހުޅުމާލެ ގޯތި ނަންބަރު 11،021
* މަޖީދު އަލީ، މަތަރެސްމާގެ، ގއ. ދާންދޫ
މި ނަންތައް މިހާރު ވަނީ ދިރާސާކުރުމަށް ޖުޑިޝަރީ ކޮމިޓީ އަށް ފޮނުވައިފަ އެވެ.
ޓެކްސް އެޕީލް ޓްރައިބިއުނަލްގެ ހަތަރު މެމްބަރަކު ވަކިކުރުމަށް ރައްޔިތުންގެ މަޖިލީހުން ފާސްކުރީ އޮގަސްޓް 19 ގަ އެވެ. އަދި މަޖިލީހުގެ ލަފައާ އެއްގޮތަށް ރައީސް ހަތަރު މެންބަރަކު ވަކިކުރެއްވީ އޮގަސްޓް 26 ގަ އެވެ.
ޓްރައިބިއުނަލް އިން ވަކިކުރީ ޓްރައިބިއުނަލްގެ ރައީސް މުހައްމަދު މުނައްވަރު އަލީ އާއި، ނައިބް ރައީސް ހުސައިން ޒައިދާން ޖަލީލާއި މެމްބަރު އަހްމަދު އަޝްރަފްގެ އިތުރުން މެމްބަރު ހަދީޖާ ނައީމެވެ.
މި މެމްބަރުން ވަކިކުރުމަށް ޖުޑީޝަރީ ކޮމިޓީގެ ސަމާލުކަމަށް މައްސަލައެއް ގެނައީ ޓްރައިބިއުނަލްގެ މެމްބަރެއްގެ ގޮތުގައި މިވަގުތު ހުންނެވި ހަމައެކަނި މެންބަރު އިސްމާއީލް ސާޖިދެވެ.