ހުޅުމާލޭގައި އަންނަ މަހު ހުޅުވަން ނިންމާފައިވާ ޕެޓްކެއާ ފެސިލިޓީގައި ޕެޓްތަކަށް ފަރުވާ ދޭނެ މީހުން ހޯދަން އިއުލާންކޮށްފި އެވެ.
މާލެ ސިޓީ ކައުންސިލުން އިއުލާންކުރީ ކޮންޓްރެކްޓް އުސޫލުން އެެއް އަހަރުގެ މުއްދަތަކަށް ވެޓެރިނޭރިއަކާއި ދެ ވެޓެރިނަރީ ނަރުހުން ހޯދުމަށެވެ.
ވެޓެރިނަރީގެ މުސާރަ އަކީ 35،000ރ.
ވެޓެރިނަރީ ނަރުހުންގެ އަސާސީ މުސާރައަކީ 8،130ރ. އެވެ. އަދި ސާވިސް އެލަވަންސްގެ ގޮތުގައި މަސައްކަތްކުރާ ކޮންމެ ދުވަހަކަށް 100ރ. ރުފިޔާ ކަނޑައަޅާފައިވާ އިރު، އިތުރު ގަޑީގައި މަސައްކަތް ކުރާނަމަ، މުސާރައިގެ 35 ޕަސެންޓް ލިބޭނެ އެވެ.
ވަޒީފާގެ ބައެއް މަސްއޫލިއްޔަތުތަކުގެ ތެރޭގައި ހިމެނެނީ ޕެޓްކެއާ ފެސިލިޓީ އަށް ވެޓްރިނަރީ ޚިދުމަށް ހޯދަން ދާ ފަރާތްތަކަށް ޚިދުމަތް ދިނުމާއި އާންމު ޗެކަޕްތަކާއި، ފަރުވާތަކާއި، އަދި އޮޕަރޭޝަންތަކުގައި ވެޓެރިނޭރިއަންއަށް އެހީތެރިވުމާއި ވެޓެރިނޭރިއަން އަންގާ ގޮތުގެ މަތިން ބުޅަލަށް ބޭސް ދިނުން (ކާންދިނުމާއި، ބޭސްއެޅުމާއި، އަދި އިންޖެކްޝަން ޖެހުން) އާއި ލޭ ނެގުމާއި ކުޑަކަމުދާ ތަކެތި ޓެސްޓްކުރުމާއި އެ ނޫން ވެސް ބަލި ދެނެގަތުމަށް ކުރާ ޓެސްޓުތައް ކުރުމުގެ އިތުރަށް އެނެސްތީސިއާ ބެލެހެއްޓުމާއި އޮޕަރޭޝަނަށް ފަހު ރިކަވަރީގައި ތިބޭ ބުޅާތަކަށް ބޭނުންވާ ފަރުވާ ދިނުމެވެ.
މި މަގާމުތަކަށް ޝައުގުވެރިވާ ފަރާތްތަކަށް އެޕްލައި ކުރުމުގެ ފުރުސަތު ހުޅުވާލާފައި ވަނީ މި މަހުގެ 29 އާ ހަމައަށެވެ. އިތުރު މައުލޫމާތު 3025408 އަދި 7989840 އިން ހޯދޭނެ އެވެ.