މާލޭގައި ގަވާއިދާ ހިލާފަށް އުޅެމުން ދިޔަ އިތުރު ދެ ބިދޭސީއަކު އަތުލައިގެންފި އެވެ.
އިމިގްރޭޝަނުން މިއަދު ބުނީ އެ ދެ މީހުންނަކީ މާލޭގެ ދެ ތަނެއް ވަނީ ބަލައި ފާސްކޮށް އަތުލައިގަތް މީހުން ކަމަށެވެ.
ގަވާއިދާ ހިލާފަށް އުޅޭ ބިދޭސީން ހޯދަން އިމިގްރޭޝަނުން މާލެ ސަރަހައްދުގައި ފުޅާކޮށް ކުރިއަށް ގެންދާ އޮޕަރޭޝަނުުގައި މާލެ އާއި ހުޅުމާލެ އިން މިހާތަނަށް ގިނަ އަދަދެއްހެ ބަޔަކު އަތުލައިގެންފައިވެ އެވެ. އެގޮތުން މިދިޔަ އަހަރުގެ ނޮވެމްބަރު 17 އިން ފެށިގެން މި މަހުގެ 21 އާ ހަމައަށް ވަނީ 4361 ބިދޭސީއަކު ވަނީ ރާއްޖެ އިން ޑީޕޯޓްކޮށްފަ އެވެ.
އިމިގްރޭޝަނުން ބުނީ އަންނަ ނޮވެމްބަރު 17 އައުމުގެ ކުރިން ކަނޑައަޅާފައި އޮތް ޓާގެޓް ކަމަށްވާ 5،000 ބިދޭސީން ޑީޕޯޓްކުރުން ކަމަށެވެ.
ރާއްޖޭގައި ގިނަ އަދަދަކަށް ބިދޭސީން އުޅެމުން އަންނަ އިރު، މީގެ ތެރޭގައި ގަވާއިދާ ހިލާފަށް އުޅޭ މީހުމްގެ ނިސްބަތް ވަރަށް ގިނަ އެވެ. އެހެންވެ ހޯމްލޭންޑް މިނިސްޓްރީން ބުނީ ބިދޭސިންގެ މައްސަލަ އަށް ހައްލެއް ހޯދަން "ކުރަނގި" ގެ ނަމުގައި ހުރިހާ ބިދޭސިންގެ މައުލޫމާތު އެއްކުރުމުގެ އޮޕަރޭޝަނެއް ވެސް ހިންގަމުންނެވެ.
މި އަހަރުގެ މެއި 2 ގައި ފެށި އެ އޮޕަރޭޝަންގައި މިހާތަނަށް 82 ރަށަކުން 6،891 ބިދޭސީންގެ މައުލޫމާތު ނަގާފައިވެ އެވެ.