ކެނަބިސް ޓްރެފިކްކުރި މައްސަލައަކާ ގުޅިގެން އައްޑޫ ހިތަދޫ މުހައްމަދު އުބާދަތު ހުސައިން ހޯދަން ފުލުހުން ހަތް ވަނަ ފަހަރަށް އިއުލާންކޮށްފި އެވެ.
ހިތަދޫ ހަޒާރުމާގޭ އުބާދަތު، 30، ހޯދަން މިއަދު އަލުން އިއުލާންކުރި އިރު، އެންމެ ފަހުން އޭނަ ހޯދަން އެންމެ އިއުލާންކުރީ މިދިޔަ މަހުގެ 26 ގަ އެވެ.
ފުލުހުން ބުނީ އޭނަ ކެނެބިސް ޓްރެފިކް ކުރުމުގެ މައްސަލައާ ގުޅިގެން ކޯޓަށް ހާޒިރުކުރުމަށް ބޭނުންވެ ހާޒިރުކުރެވިފައި ނުވާތީ، ބަންދުގައި ބަހައްޓައިގެން އަންނަ ބުރާސްފަތި ދުވަހުގެ މެންދުރު ފަހު 2:00 އަށް ކްރިމިނަލް ކޯޓްގެ ހުޅުމާލެ ޑިވިޝަންނަށް ހާޒިރުކޮށް ދިނުމަށް ފުލުހުންގެ މައްޗަށް ކޮށްފައިވާ އަމުރާ ގުޅިގެން ކަމަށެވެ.
އެހެންވެ ޢުބާދަތު ޙުސައިންއާ ބެހޭ އެއްވެސް މައުލޫމާތެއް ލިބިފައިވާ މީހަކު ވާ ނަމަ ފުލުހުންގެ ކަސްޓޯޑިއަލް ނަންބަރު 9991442 އަށް ގުޅައި ހިއްސާކޮށް ދޭން އެދިފައިވެ އެވެ.