އެންވަޔަމަންޓް މިނިސްޓްރީގެ ސްޓޭޓް މިނިސްޓަރެއްގެ މަގާމުގައި ހުންނެވި އިބްރާހިމް ނިޒާމް މިއަދު މަގާމުން ވަކިކޮށްފި އެވެ.
އޭނަ އެ މަގާމުގައި ހުންނެވީ މޯލްޑިވްސް ޑިވެލޮޕްމަންޓު އެލަޔަންސް (އެމްޑީއޭ) ގެ ސްލޮޓެއްގަ އެވެ.
ނިޒާމު މަގާމުން ވަކި ކުރިއިރު ސަރުކާރުން ވަނީ ހަރަދުތައް ކުޑަކުރަން 228 ސިޔާސީ މަގާމު މަދުކުރަން ނިންމައިފަ އެވެ. އޭގެ ތެރޭގައި ހިމެނެނީ ޑެޕިއުޓީ މިނިސްޓަރުންނާއި ސްޓޭޓް މިނިސްޓަރުންގެ އިތުރުން ޕޮލިޓިކަލް ޑިރެކްޓަރުންނެވެ.
މި ސަރުކާރުގެ ސިޔާސީ މަގާމުތައް 700 އަށް ވުރެ އިތުރު ނުވާނެ ކަމަށް ބުނި ނަމަވެސް އެ އަދަދު 7،000 އަށް އަރާ ކަމަށް އިދިކޮޅު ފަރާތްތަކުން ތުހުމަތު ކުރެ އެވެ. ނަމަވެސް ސަރުކާރުން ދަނީ ސިޔާސީ މަގާމުތަކުގެ ސީދާ އަދަދު ސިއްރު ކުރަމުންނެވެ.