އުމުރުން ދުވަސްވީ މީހެއްގެ ކޭޝްކާޑުން ފައިސާ ވަގަށް ނެގި ދެ މީހަކު ހައްޔަރު ކޮށްފި އެވެ.
ފުލުހުން މިއަދު ބުނެފައިވަނީ ގއ. ވިލިނގިލީ އުމުރުން ދުވަސްވީ އަންހެނެއްގެ ކޭޝްކާޑުން މާމެންޑޫ ބީއެމްއެލް އޭޓީއެމްއިން ފައިސާ ނަގާފައިވާކަމަށް ރޭ ފުލުހުންނަށް ރިޕޯޓް ކޮށްފައިވާ ކަމަށެވެ.
މި ރިޕޯޓާއި ގުޅިގެން ފުލުހުން ކުރިއަށް ގެންދިޔަ އޮޕަރޭޝަންގައި، ކާޑު ވަގަށް ނެގިކަމަށް ތުހުމަތުކުރެވޭ މީހުން މާމެންދޫއިން ވިލިނގިލިއަށް ދަނިކޮށް ކަނޑުމަތިން ހުއްޓުވައި ހައްޔަރުކޮށްފައިވާ ކަމަށް ފުލުހުން ބުނެފައިވެއެވެ. އަދި އެމީހުން ހައްޔަރު ކޮށް އެމީހުން ދަތުރުކުރި ލޯންޗް ބަލައިފާސްކުރިއިރު ކޭޝްކާޑުން ވަގަށް ނެގުކަމަށް ބެލެވޭ 25،000 ރުފިޔާގެ ތެރެއިން 23،000 ރުފިޔާ ފެނިފައިވާ ކަމަށް ފުލުހުން ބުނެފައިވެ އެވެ.
މި މައްސަލައިގައި ހައްޔަރު ކޮށްފައިވަނީ މުހައްމަދު ޝައިން ޝަމީޒު، ގއ.ވިލިނގިލި / ލައިފް (22 އަހަރު) އަދި ހަމްދޫން ހަލީލު، ލ.ގަން ތުނޑި / ނޯތުހެވަން (24 އަހަރު) އެވެ.
ފުލުހުން ބުނެފައިވަނީ މިމައްސަލަ އެއިދާރާއިން ތަހުގީގު ކުރަމުންދާ ކަމަށެވެ.