"ރީތި ރާއްޖެ"ގެ ނަމުގައި މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީ (މަޓީ) އިން ކެމްޕޭނެއް ފަށައިފި އެވެ.
މި ކެމްޕޭން އިއްޔެ ލޯންްޗްކުތީ މަޓީން ޕާލޭ މޯލްޑިވްސްއާ ގުޅިގެން އާޓިފިޝަލް ބީޗްގައި ބޭއްވި އިވެންޓެއްގަ އެވެ.
އެގޮތުން ސްކޫލް ކުދިންނަށް ޚާއްސަކޮށްގެން ބޭއްވި ހަރަކާތުގައި ތިމާވެށި ރައްކާތެރިކުރުމާ ގުޅުން ހުރި ތަފާތު ހަރަކާތްތަކުގައި ބައިވެރިވުމުގެ ފުރުސަތު އެ ކުދިންނަށް ދިނެވެ.
މަޓީން ބުނީ "ރީތި ރާއްޖެ" އަކޯ ރާއްޖޭގެ ވެށި ސާފުކޮށް ބޭއްވުމަށް ހަރަކާތްތަކެއް ހިންގަން އަހަރު ދުވަހަށް ކުރިއަށް ގެންދަން ނިންމާފައިވާ ކެމްޕޭނެއް ކަމަށެވެ. މީގެ މައިގަނޑު މަގުސަދަކީ ދެމެހެއްޓެނިވި ގޮތެއްގައި ކުނި ނައްތާލުމަށް ހިތްވަރު ދިނުމާއި އާންމު ތަންތަނަށް ކުނި އެޅުން ހުއްޓުވުމެވެ.
މި އަހަރު ކެމްޕެއިން ހަރަކާތްތައް ބާއްވަން ނިންމާފައި ވަނީ އަންނަ މަހުގެ 24 އާއި އައްޑު އާއި އަންނަ މަހުގެ 27 ގައި ފުވައްމުލަކުގެ އިތުރުން ޑިސެމްބަރު މަހު ހުވަދު އަތޮޅުގަ އެވެ.
އަންނަ އަހަރު ކެމްޕޭންގެ ތާވަލު:
* ޖެނުއަރީ: ލ. އަތޮޅު
* ފެބްރުއަރީ: ފ، ދ، އަދި ތ. އަތޮޅު
* މާޗް: ވ. އަދި މ. އަތޮޅު
* އޭޕްރިލް: އއ. އަދި އދ. އަތޮޅު
* މެއި: ރ. އަދި ބ. އަތޮޅު
* ޖޫން: ހއ. އަދި ހދ. އަތޮޅު
* ޖުލައި: ށ. އަދި ނ. އަތޮޅު
* އޮގަސްޓު: ޅ. އަތޮޅު
* ސެޕްޓެމްބަރު: ކ. އަތޮޅު
"ރީތި ރާއްޖެ" ކެމްޕޭންގެ ތެރެއިން ޓޫރިޒަމް ސިނާއަތުގައި މަސައްކަތް ކުރާ ފަރާތްތަކާއި އާންމު ފަރުދުންނާ ގުޅިގެން ކުނި މެނޭޖުކުރުމުގެ އާދަ އެންމެންގެ ކިބައިގައި އަށަގަންނަވަން މަސައްކަތް ކުރާނެ އެވެ.