މިހާރުގެ ސަރުކާރަކީ ގަރުދިޔަ ސަރުކާރެއް ކަމަށާއި ސަރުކާރުން ވަނީ ފެންފޮދަކާއި ނުލާ މި އަހަރުގެ ބަޖެޓް ވެސް ދިރުވާލާފައި ކަމަށް ކުރީގެ ރައީސް ޑރ. އިބްރާހިމްދީދީ (ޑީޑީ) ވިދާޅުވެއްޖެ އެވެ.
އެމްޑީޕީން ރޭ ބޭއްވި ހަރުގެ ޖަލްސާގައި އޭނަ ވިދާޅުވީ ހއ. ތުރާކުނުން ފެށިގެން އައްޑުއާ ހަމައަށް ރާއްޖޭގައި އެއްވެސް މަޝްރޫޢު އެއް ނުހިނގާ ކަމަށެވެ. އެކަމަކު ރައިސް ޑރ. މުހައްމަދު މުއިއްޒި ވެރިކަމަށް ވަޑައިގެންނެވި އިރު ސަރުކާރަށް ކަންކަން ކުރާނެ ފައިސާ ލިބިފައިވާ ކަމަށް ބުނެ ރައްޔިތުންނަށް ބޮޑެތި ވައުދުތައް ވެފައިވާ ކަމަށް ޑީޑީ ވިދާޅުވި އެވެ.
ނަމަވެސް މިހާރު ފެންނަ މަންޒަރުތަކަށް ބަލާ އިރު ފެންނަނީ މި ސަރުކާރުން ބުހުތާނު ދޮގު ހަދަމުންދާ ތަން ކަމަށް ވިދާޅުވި އެވެ.
"ފެންފޮދަކާ ނުލާ ބަޖެޓް ދިރުވާލައިފި. ކިތަންމެ ހިތްހަމަ ނުޖެހުނަސް އެ ހަގީގަތް ބަދަލެއް ނުކުރެވޭނެ،" ޑީޑީ ވިދާޅުވި އެވެ. "ދިވެހި ރައްޔިތުން މި ތިބީ ހޭލާ. މި ގަރުދިޔަ ސަރުކާރުން އެކަން ކުރީ. އެއްވެސް ޕްރޮޖެކްޓެއް ނުހިނގާ."
އޭނަ ވިދާޅުވީ ސަރުކާރުން މިހާރު ސަޕްލިމެންޓްރީ ބަޖެޓެއް ހުށަހަޅާފައިބާ އިރު އެ ބަޖެޓް ހުށަހެޅުއްވީ އާ ޑްރާމާއަކާ އެކީގައި ކަމަށެވެ. އެގޮތުން ސިޔާސީ މުވައްޒަފުން މަދުކުރުމާއި ރައީސްގެ މުސާރަ އިން ބޮޑު ބައެއް އުނިކުރުމުގެ ވާހަކަ އަކީ ސިޔާސީ ޑްރާމާއެއް ކަމަށް ވިދާޅުވި އެވެެ.