ރާއްޖޭގެ މަޝްހޫރު ޑައިރެކްޓަރު ފާތުމަތު ނަހުލާގެ އާ ފިލްމު "ސޮރީ" ގެ ތީމް ލަވަ ކިޔައި ދޭނެ އަސަރު ގަދަ އަޑެއް ހޯދަން އިއުލާންކޮށްފި އެވެ.
ސޯޝަލް މީޑިއާ ޕޯސްޓެއްގައި އޭނަ ބުނީ އެ އަޑު ވާން ޖެހޭނީ އެ އަޑު ޖެހުމާ އެކު ހިތުގައި ޖަހާލާ ފަދަ ވަރުގަދަ އަދި އަސަރުގަދަ އަޑަކަށް ކަމަށެވެ. އެހެންވެ މިކަމަށް ޝައުގުވެރިވާ ފަރާޔްތަކުން އޭނަ މެސެޖްކުރަން އެދިފައިވެ އެވެ.
"ސޮރީ" ގެ ނަމުގައި ނަހުލާ މިހާރު ފިލްމެއް ހަދަމުން ދިޔަ ނަމަވެސް މިއާ ބެހޭ އިތުރު އެއްވެސް މައުލޫމާތެއް އަދި ރަސްމީކޮށް ހާމައެެއް ނުކުރެ އެވެ. ނަމަވެސް ފިލްމުގެ ފަސްޓްލުކް ޕޯސްޓަރު މީގެ ދެ ދުވަސް ކުރިން ވަނީ ދައްކާލައިފަ އެވެ.
އޭގައި ފެންނަނީ ކުޑަ ދެ އަންހެން ކުދިންނެވެ. އޭގައި ފިލްމާ ބެހޭ އިތުރު އެއްވެސް މައުލޫމާތެއް ނެތެވެ. އެކަމަކު "ސޮރީ" ގެ ޕޯސްޓަރުން ފެންނަ ދެ ކުދިންނަކީ މި އަހަރުގެ ޖޫން މަހުގެ ތެރޭގައި ނަހުލާ ސޯޝަލް މީޑިއާ ޕޯސްޓެއްގައި ބުނެފައިވާ ގޮތަށް އޭނަގެ އާއިލީ ދެ ކުއްޖެކެވެ.
އޭގެ ތެރެއިން އެއް ކުއްޖަކީގެ ހަގު ދަރިފުޅު ލާލި އެވެ. އަނެއް ކުއްޖާ އަކީ ނަހުލާގެ މާމަދަރި އެވެލީ އެވެ. އެއީ އޭނަގެ ކުރީގެ ފިލްމުތަކެއް ކަމަށްވާ "ނާއުންމީދު" އާއި "ޒުލޭޚާ" ގައި ޗައިލްޑް އާޓިސްޓެއްގެ ގޮތުގައި މުހިއްމު ރޯލުތަކެއް ކުޅުނު ދަރިފުޅު، ނާޝް ސިނާންގެ ދަރިއެކެވެ.
ރީތި އަދި އެހާމެ ކާމިޔާބު ފިލްމުތަކެއް ގެނެސްދިން ނަހުލާ އެންމެ ފަހުން ޑައިރެކްޓްކޮށް ގެނެސްދިން ފިލްމަކީ 2016 ގެ ބިރުވެރި ފިލްމު "4426" އެވެ.