މިދިޔަ ޖުލައި މަހުގެ ތެރޭގައި މާލޭގެ ގެއަކަށް މީހަކު ވައްދައި ބަރަހަނާކޮށް ފޭރުނު މައްސަލައިގައި ދައުވާ އުފުލާފައިވާ ތިން މީހުންގެ ތެރޭގައި ހިމެނޭ ޝަފީގު އިބްރާހިމް އަނެއްކާ ވެސް ފޭރުމުގެ މައްސަލައެއްގައި ހައްޔަރުކޮށްފި އެވެ.
އައްޑޫ ހިތަދު އަށް ނިސްބަތްވާ 35 އަހަރުގެ މީހާ މި ފަހަރު ވެސް ހައްޔަރުކުރީ މީހަކު ގެއަކަށް ވައްދައި ބަރަހަނާކޮށް، ފޭރުނު މައްސަލައެއްގަ އެވެ. ކްރިމިނަލް ކޯޓުން އޭނަގެ ބަންދަށް 15 ދުވަސް ނެރުނު ޖަހައި ރޭ ނެރުނު
އަމުރުގައި ބުނެފައި ވަނީ މއ. ރަޝްމާވިލާ ގެއަށް ބިދޭސީއަކު ގަދަކަމުން ވައްދައި އޭނަގެ އަތާއި ފައި ބަނދެ ބަރަހަނާކޮށް ކަރުގައި ވަޅި ޖައްސައިގެން، އެ މީހާގެ އަތުން 10،600ރ. ރުފިޔާ ފޭރިގެންފައިވާ ކަމަށެވެ.
އެކަމުގައި ޝަފީގާ އެކީ އިތުރު މީހަކު ވެސް ޝާމިލްވެފައިވެ އެވެ. ނަމަވެސް އެ މީހާ އަދި ހައްޔަރެއް ނުކުރެ އެވެ.
އިތުރު މީހެއްގެ އަތުން ޝަފީގު ފޭރުނު އިރު އޭނަ އަކީ މިދިޔަ ޖުލައި މަހުގެ ތެރޭގައި އިތުރު ދެ މީހަކާވެގެން ގެއަކަށް މީހަކު ވައްދައި ފޭރުނު މައްސަލައިގައި މި މަހުގެ ކުރީކޮޅު ދައުވާކޮށްފައިވާ މީހެކެވެ.
ޖުލައި 24 ވަނަ ދުވަހުގެ މއ. މަސްފަން ގެއަށް އެ ގޭގެ ބޮއްކެއް ބަދަލުކޮށް ދޭން އެހީވުމަށް އެދި އައިޝަތު ކިޔާ މީހަކު ދިވެހި ފިރިހެނަކު ގެއަށް ވައްދައި ވައްދައި، އެ މީހާއަށް ވަޅިން ބިރުދައްކައި އޮރިޔާންކޮށް، އަނިޔާކޮށް، އޭނާގެ މޯބައިލް ފޯނުއަތުލައި ބޭންކު އެކައުންޓުން ފައިސާ ޓްރާންސްފަ ކުރުވި މީހުންގެ ތެރޭގައި ހިމެނޭ ދެ ފިރިހެނުންނަކީ ޝަފީގު އާއި މއ. މަސްފަން، މުޙައްމަދު ރީހާން، 27، އެވެ.