ނޯޓް: މި ސިޓީއަކީ އަގީލާ އޭނާގެ އެފްބީ ޕޭޖްގައި މިއަދު ހިއްސާކޮށްފައިވާ ލިއުމެކެވެ. އަގީލާ އަށް އައްޑޫގެ ރައްޔިތުންގެ ދީލަތި އެހީ ލިބޭނެ ކަމަށް ދުއާ ކުރަމެވެ.
—————————————————————————————————-
ސަގަރު
ސ.ހިތަދޫ
އަޅުގަނޑުގެ ހުރިހާ ރަޙްމަތްތެރިންނަށް
ވެދުން ސަލާމަށް ފަހު ދަންނަވަމެވެ.
އަޅުގަނޑަކީ 2000ވަނަ އަހަރު ކިޑްނީ މައްސަލަ ޖެހިގެން ކިޑްނީ ލެއްވުމަށްފަހު ލެއްވި ކިޑްނީ ރަނގަޅަށް ހުއްޓައި 2007 ވަނަ އަހަރު ޗިކުން ގުންޔާ ޖެހުމުގެ ސަބަބުން އަނެއްކާވެސް ކިޑްނީ މައްސަލަ ޖެހިގެން ޑައެލިސިސް ހަދަމުންދާ ނިކަމެއްޗަކީމެވެ. ކިޑްނީގެ ބައްޔަކީ ބޮޑު ޚަރަދެއް އެކަމަށް ކުރަން ޖެހޭ ކަމަކަށް ވާތީވެ، މިއަދާއި ޖެހެންދެންވެސް އަޅުގަނޑު މިދަނީ ވަޒީފާ އަދާކުރަމުންނެވެ. ވަޒީފާ އަދާކޮށްގެން ލިބޭ މުސާރައާއި، އާސަންދަ ޕްރޮގްރާމުގެ ދަށުން ލިބޭ ޢިނާޔަތުގެ ތެރެއިން ހަފްތާއަކު 4 ޑައެލިސިސް މިހާރުވެސް މިދަނީ ހަދަމުންނެވެ.
އަޅުގަނޑުގެ ލެއްވި ކިޑްނީ ހަލާކުވީ ޗިކަން ގުންޔާ ޖެހިގެން ފަރުވާ ހޯދަން އުޅުނު އިރު ރާއްޖޭގެ އިންދިރާ ގާނދީ މެމޯރިއަލް ހޮސްޕިޓަލުގައި، ކިޑްނީ ޚާއްސަ ޑޮކްޓަރަކު ނެތި، އަޅުގަނޑުގެ އަތުގައި އެވަރުގެ ފައިސާގެ ތަނަވަސްކަމެއް އޭރުގައި ނެތިގެން އިންޑިއާއަށް ދާންވީ ހިނދު ނުދެވުމުގެ ސަބަބުންނެވެ.
ދެވަނަ ފަހަރަށް ކިޑްނީ ލައްވަން ޖެހިފައިވާތީ، މިކަމަށް ކުރަން ޖެހޭ ހޭދައަކީ އަޅުގަނޑު ކަހަލަ ނިކަމެއްޗަކަށް އެއްފަހަރާ ކުރެވޭ ވަރުގެ ހޭދައަކަށް ނުވާތީ، ތިޔަފަރާތުގެ ދީލަތި އެހީއަކަށް އެދި އާދޭސް ދަންނަވަމެވެ. މިހާ ދުވަސް ވަންދެން ޑަައެލިސިސް ހަދަމުން ދިއުމުގެ ސަބަބުން އަޅުގަނޑުގެ ސިއްޙަތަށް ތަފާތު މައްސަލަތައް ކުރިމަތިވަމުންދާތީވެ، އަޅުގަނޑުގެ ޑޮކްޓަރ ލަފާ ދެއްވަނީ ވީހާވެސް އަވަހަކަށް ކިޑްނީ ބަދަލު ކުރުމަށެވެ. ނޫނީ ހަށިގަނޑުގެ ދިފާޢީ ނިޒާމު ބަލިވުމުގެ ސަބަބުން ކިޑްނީ ބަދަލު ނުކުރެވިދާނެ ވާހަކައެވެ. މިފަދަ ޙާލެއްގައި، މިއަދާއި ހަމައަށް ވަޒީފާއެއް އަދާކުރަމުން މިއަންނަނީ އެއްވެސް ފަރާތެއްގެ ދީލަތި އެހީއަކަށް ނުއެދި، މިކަމަށް ބޭނުންވާ ފައިސާ ހޯދައިގެން މިކަން ކުރެވޭނެ ކަމުގެ މަތިވެރި ޢަޒުމުގައި ހިތްވަރާއި އެކު މަސައްކަތް ކުރަމުންނެވެ. އެހެން ނަމަވެސް، އަޅުގަނޑުގެ ބޭހަށް ކުރަންޖެހޭ ޚަރަދު ، އަޅުގަނޑަށް ލިބޭ މުސާރައަށް ވުރެ ބޮޑުވުމުގެ ސަބަބުން އަޅުގަޑަށް ބައެއްގެ ދީލަތި އެހީއާއި ނުލައި މިކަން ކުރެވުމަކީ ނާދިރު ކަމަކަށް ވާތީ ތިޔަ ފަރާތްތަކުގެ ދީލަތި މަދަދަކަށް އެދި އާދޭސް ދަންނަވަނީއެވެ.
ކީރިތި ﷲ ސުބުޙާނަހޫ ވަޠަޢާލާ އެކި މީހުންނަށް ރިޒުޤު ދެއްވަވަނީ އެކި މިންވަރަށެވެ.
މިއީ ވެސް، ދުނިޔޭގައި ދިރިއުޅެމުންދާ އިންސާނުންނަށް ޢިބްރަތަކަށް ޓަކައި ދުނިޔެ މަތީ ކުރެވޭ ވަރަށް ބޮޑު އިމްތިހާނެއް ކަންވެސް މި ފުރުޞަތުގައި ފާހަގަ ކުރަމެވެ. މިއަދު ތިޔަބޭފުޅުންގެ އެހީތެރިކަމަށް އަޅުގަނޑަށް މިއެދެވެނީ، އަޅުގަނޑުގެ ފުރާނަ ދިފާޢު ކުރުމަށްޓަކައި، ކިޑްނީ ލެއްވުމަށް ބޭނުންވާ ފައިސާގެ ދީލަތި އެހީއަކަށް އެދި ކަމަށްވާތީ، މާތްﷲ ގެ މިންވަރުފުޅާއި، ތިޔަބޭފުޅުންގެ ހިތްހެޔޮ ދީލަތި އެހީއާއި އެކު ހެޔޮ ރަޙްމަތަށް އެދި އާދޭސް ދަންނަވަމުންނެވެ. މާތްﷲ އަޅުގަނޑަށް ދެއްވާ އެހީއެއްގެ ސަބަބުން ތިޔަބޭފުޅުންގެ މުދަލަށާއި، ދިރިއުޅުމަށް ގެެއްލުމެއް މެދުވެރި ނުކުރައްވާ، ނިކަމެެއްޗަކަށް ކުރާ ޞަދާޤާތެއްގެ ސަބަބުން އިތުރު ފައިދާއާއި ތަނަވަސް ކަމަށް އެދި ދުޢާ ކުރާ ޙާލު އަޅުގަނޑަށް ތިޔަ ބޭފުޅުންގެ ފަރާތުން ދީލަތި އެހީއަކަށް އެދި އާދޭސް ދަންނަވަމެވެ.
އަޅުގަނޑަށް އެހީ ވެދެއްވުމަށް ބޭނުން ފުޅުވާ ބޭފުޅުން އަޅުގަނޑުގެ ފޯނު ނަމްބަރު 7991976 ގުޅުއްވުން އެދެމެވެ.
ޚާދިމަތުކުމް
ޢަޤީލާ ޢަބްދުﷲ ދީދީ
A019533