އައްޑޫ ގަމުގައި ޓޫރިސްޓް ހޮޮޓަލެއް ތަރައްގީ މަޝްހޫރު ވިޔަފާވެރިޔާ ޗަމްޕާ ހުސައިން އަފީފު ޝައިގުވެރިކަން ފާޅުކޮށްފއިވާ ކަމަށް ޓޫރިޒަމް މިނިސްޓަރު އިބްރާހީމް ފައިސަލް ވިދާޅުވެއްޖެ އެވެ.
އައްޑޫގެ ޓޫރިޒަމް ބްރޭންޑް "އައްޑޫ: ބިޔޯންޑް އީކްއޭޓާ" ލޯންޗްކުރަން ރޭ ކެނަރީފް ރިސޯޓްގައި ބޭއްވި ހަފުލާގައި މިނިސްޓަރު ވިދާޅުވީ ގަން އިންޓަނޭޝަނަލް އެއާޕޯޓް އޮތް ގަމުގައި ތަރައްގީ ކުރަން އަފީފު ބޭނުންވެވަޑައިގަންނަވަނީ 130 އެނދުގެ ހޮޓަލެއް ކަމަށެވެ.
އަފީފަކީ ގަން އެއާޕޯޓް ހިންގާ އައްޑޫ އިންޓަނޭޝަލް އެެއާޕޯޓް އޭއައިއޭ) ގެ 30 ޕަސެންޓް ހިއްސާ އޮންނަ ކާސާ ހޯލްޑިންސްގެ ވެރިޔާ ވެސް މެ އެވެ.
"އައްޑޫ އެއާޕޯޓު ކޮމްޕެނީގެ އެއް ހިއްސާދާރު، ކާސާ ކޯލްޑިން މެނޭޖްމެންޓާއެކީ ވަރަށް މަޝްވަރާކުރިން. އެ ބޭފުޅުން ވެސް ބޭނުންވޭ އައްޑޫ ގަމުގައި ހަތޭކަ ތިރީހަކަށް އެނދު ޑިވެލޮޕްކުރަން،" ފައިސަލް ވިދާޅުވި އެވެ. "އެހެން ނަމަވެސް އޭގެ ތެރެއިން އެބަ ހުރި ދިވެހި ސަރުކާރުން، އަޅުގަނޑުމެން ކޮށްދޭ ންޖެހޭ ކަންތައްތަކެއް. އެ މަސައްކަތް ޓޫރިޒަމް މިނިސްޓްރީން އެބަކުރޭ."
މިނިސްޓަރު ވިދާޅުވީ މި ސަރުކާރުގެ އަމާޒަކީ އައްޑޫގައި ހިންގަން ނިންމާފައިވާ ތަރައްގީކުރާ އައްސޭރި ޓޫރިޒަމް މަޝްރޫއާ އެކު އައްޑޫގެ އެނދުގެ އަދަދު 6،000 އަށް އިތުރު ކުރުން ކަމަށެވެ. އެގޮތުން އިންޓަގްރޭޓެޑް ޓޫރިޒަމަށް ތަރައްގީކުރާ ހަންކެޑެއިގެ އިތުރުން ކާސާ އިން ޝައުގުވެރިކަން ފާޅުކުރި މަޝްރޫއު ނިމުމުން، މިހާރު ބަންދުކޮށްފައ އޮތް ޝަންގްރިއްލާ ރިސޯޓު ވެސް ހުޅުވަން ބާރަކަށް ވެގެންދާނެ ކަމަށް ފައިސަލް ވިދާޅުވި އެވެ.
ގަމުގައި ހޮޓަލަތެއް ތަރައްގީ ކުރަން އަފީފު ޝައުގުވެރިކަން ފާޅުކުރި ގަމުގައި ހޮޓާތަކެއް ތަރައްގީ ކުރުމުގެ ވާހަކަތަކެއް މީގެ ކުރިން ވެސް ދެކެވިފައިވެ އެވެ. އެގޮތުން ގަމުގައި ދެ ޓޫރިސްޓް ހޮޓެލް އެޅުމުގެ މަޝްރޫއެއް ފަށާނެ ކަމަށް މިދިޔަ އަހަރު އޭއައިއޭ އިން ބުނެފައިވެ އެވެ. އަދި އެއީ 50 ކޮޓަރީގެ ހޮޓަލަކާއި ދޫގަސް ޕްރޮޖެކްޓަކީ 130 ކޮޓަރީގެ ހޮޓަލެއް ކަމަށް ބުނެފައިވެ އެވެ.
ގަމުގައި މިހާރު ކުރިއަށްދާ އެންމެ ބޮޑު މަޝްރޫއަކީ އެއާޕޯޓް ތަރައްގީ ކުރުމުގެ މަސައްކަތެވެ. އަންނަ އަހަރު ނިންމަން ހަމަޖެހިފައިވާ އެ މަޝްރޫއުގެ ކޮންޓްރެކްޓަރަކީ އިންޑިއާނެ ރެނާޓަސް އެވެ.