ރަންވޭ ބޮޑުކުރުމަށް ފަހު މާފަރު އެއާޕޯޓް އަލުން އިންޓަނޭޝަނަލް ދަތުރުތަކަށް ހުޅުވާލައިފި އެވެ.
އެ އެއާޕޯޓުން ބޭރަށް ކުރާ ދަތުރުތައް މެދުކަނޑައިލީ މި އަހަރުގެ މެއި މަހުގެ ތެރޭގަ އެވެ.
އޭގެ ފަހުން ރަންވޭ ބޮޑުކުރަން ކުރި މަސައްކަތުގެ ތެރޭގައި ވަނީ ރަންވޭ އަށް ވަނީ 650 މީޓަރު އިތުރުކޮށްފަ އެވެ. އެ މަސައްކަތް ކުރީ އެމްޓީސީސީއާ ހަވާލުކޮށްގެންވެ. މިހާރު މާފަރު އެއާޕޯޓުގެ ރަންވޭގެ ދިގުމިނަކީ 2،800 މީޓަރެވެ. އެގޮތުން މިހާރު އެއާޕޯޓަކީ ބޮއިން 777 މަރުކާގެ މަތިންދާބޯޓު ފަހަރަށް ޖެއްސޭ ފެންވަރުގެ އެއާޕޯޓެއް ކަމަށް އެތަން އޮޕަރޭޓް ކުރަމުން އަންނަ އައިލެންޑް އޭވިއޭޝަން ސާވިސެސް (އައިއޭއެސް) އިން ބުންޏެވެ. ވަނީ ބުނެފައެވެ.
މާފަރު އެއާޕޯޓަކީ އެތަން ހުޅުވި ފަހުން ގިނަ އަދަދަކަށް ބޭރުގެ ޖެޓްތައް ޖައްސަމުން އަންނަ އެއާޕޯޓެކެވެ. މިދިޔަ އަހަރު އެ އާއާޕޯޓަށް 353 ޖެޓް ޖައްސާފައިވެ އެވެ.
ރަންވޭ ބޮޑުކުރުމާ ގުޅިގެން މާފަރު އެއާޕޯޓްގައި މިހާރު 26 ޖެޓް ޕާކުކުރެވޭނެ އެވެ. މިހާތަނަށް އެތަނުގައި ޕާކުކުރެވެނީ 13 ޖެޓެވެ.
މާފަރު އެއާޕޯޓް ހުޅުވީ 2019 ގަ އެވެ.