އައްޑޫއަށް ދިމާވެފައިވާ ކަރަންޓް ކެނޑުމުގެ މައްސަލަ ހައްލު ކުރުމަށް ފެނަކަ ކޯޕަރޭޝަނުން ކުރިއަށްގެންދާ މަސައްކަތުގެ ތެރެއިން އައްޑޫ އިންޖީނުގެއަށް ބޭނުންވާ ދެ މެގަ ވޯޓު ދެ އިންޖީނު އައްޑޫ ސިޓީ އަށް ގެނެސްފިއެވެ.
ފެނަކަ ކޯޕަރޭޝަނުގެ އައްޑޫ އޮފީހުގައި މަސައްކަތްކުރާ އޮފިޝަލަކު 'އައްޑޫލައިވް' އަށް މައުލޫމާތު ދެމުން ބުނިގޮތުގައި މި ޖަނަރޭޓަރުތައް ބެހެއްޓުމުން މަރުކަޒީ އިންޖީނުގޭގެ ކެޕޭސިޓީ 6 މެގަ ވޮޓުން 13 މެގަ ވޮޓަށް އިތުރުވެގެންދާނެ ކަމަށެވެ.
އައްޑޫ އިންޖީނުގޭގެ ކެޕޭސިޓީ އިތުރުކުރުމަށް ފެނަކަ އިން މީގެ ކުރިން ވަނީ 1 މެގަވޮޓްގެ 3 ޖަނަރޭޓަރު މީގެ ކުރިން ވަނީ ގެނެސްފައެވެ. އިއްޔެ ގެނައި ދެ މެގަ ވޯޓުގެ ދެ އިންޖީނު ގެނައުމުން ފެނަކައިން ގެންނަން ބުނި އިންޖީނުތައް ގެނެސް ނިމުނީއެވެ،
އައްޑޫގެ މަރުކަޒީ އިންޖީނުގޭގައި މިހާރު ބޭނުން ކުރަމުން އަންނަ ޖަނަރޭޓަރުތައް ފުރިހަމައަށް ސާވިސް ނުކުރެވޭތީ ދޭތެރެ ދޭތެރެއިން ގުޅިފައިވާ ރަށްތަކުން ކަރަންޓް ކަނޑާލަން ޖެހެއެވެ. ފެނަކައިން ބުނާގޮތުގައި އާ އިންޖީނުތައް ގެނައުމުން އެ މައްސަލަ އެއްކޮށް ހައްލުވެގެންދާނެއެވެ.
ދެހާސް ބާރަ ވަނަ އަހަރުގެ ޑިސެމްބަރު މަހުން ފެށިގެން އިންޖީނުތަކަށް މައްސަލަ ޖެހި، ދޭތެރެ ދޭތެރެއިން ކަރަންޓް ކެނޑުމުގެ މައްސަލަ އާއި އައްޑޫގެ ރައްޔިތުންނަށް ކުރިމަތިލާން ޖެހިފައިވެއެވެ. އޭރު ފެނަކަ އިން ބުނެފައިވަނީ އަކީ އެމްޑީޕީ ސަރުކާރުން އުފެއްދި ސަދަން ޔޫޓިލިޓީ ކުންފުނިން އިންޖީނުތައް މަރާމާތު ނުކޮށް، ހުރުމުން އިންޖީނުތަކަށް މައްސަލަ ދިމާވީ ކަމަށެވެ.
ގާތްގަނޑަކަށް 3 އަހަރު ދުވަސް ވަންދެން އައްޑޫގެ ރައްޔިތުން ކުރަމުން ދިޔަ އިންތިޒާރެއްގެ ނިމުން މިވަނީ އައިސްފައެވެ. ސުވާލަކީ އަލަށް 2 އިންޖީނު ގެނައުމާއި އެކު ދޭތެރެއަކުން ކަރަންޓު ކެނޑުމުގެ މައްސަލަ ހައްލުވެގެންދާނެތޯއެވެ ؟ ހ