މޯލްޑިވިސް ޕޮލިޓެކްނިކްގެ ތަމްރީނު ޕްރޮގްރާމްތައް ށ. މިލަންދޫގައި ފަށަން މަޝްވަރާކޮށްފި އެވެ.
އެ ރަށު ކައުންސިލާ އެކީ ބޭއްވި ބައްދަވުލުމުގައި ޕޮލިޓެކްނިކްގެ ފަރާތުން އިސްކޮށް ހުންނެވީ ސީއީއޯ ޒޫޝާން ކަމާލުއްދީނެވެ.
އެ ބައްދަލުވުމުގައިި މިންދޫ ރައްޔިތުންނަށް މަތީ ތަޢުލީމާއި ތަމްރީނުގެ ފުރުޞަތުތަށް ފަހިކޮށް ދިނުމުގެ ގޮތުން، ޕޮލިޓެކްނިކާއި މޯލްޑިވިސް ނެޝަނަލް ސްކިލްސް ޑިވެލޮޕްމަންޓް އޮތޯރިޓީ (އެމްއެންއެސްޑީއޭ) މެދުވެރިކޮށް، ނެޝަނަލް ޓްރޭޑް ޓެސްޓިނގ، ނެޝަނަލް އެޕްރެންޓެސްޝިޕް ޕްރޮގްރާމްތަކުގެ އިތުރުން ޒުވާނުންގެ ހުނަރު އިޢާދަކުރުމަށް އެތަށް ތަމްރީނު ޕްރޮގްރާމްތަކެއް ކުރިއަށް ގެންދިޔުމާ ގުޅޭ ގޮތުން މަޝްވަރާކުރި އެވެ.
ރާއްޖޭގެ މަސައްކަތްތެރިކަމުގެ ދާއިރާތަކަށް ބޭނުންވާ ފަންނުވެރިން ބިނާކުރުމުގެ މަސައްކަތަށް ސަރުކާރުން މިހާރު އަންނަނީ ވަރަށް ބޮޑު އިސްކަމެއް ދެމުންނެވެ. އެގޮތުން ޕޮލިޓެކްނިކުން އަންނަނީ ރަށްރަށުގެ ކައުންސިލްތަކާއި ޖަމިއްޔާ ތަމާޢަތްތަކާއި ގުޅިގެން އެ ރަށްރަށުގައި ނެތެމުންދާ ފަންނުތަށް ދިރުވައި އަލާކުރުމަށް، ކަމާ ބެހޭ ތަޖްރިބާކާރުންނާއި އެކު ތަމްރީން ޕްރޮގްރާމްތަށް ހިންގައި، ފަންނުވެރި ޒުވާނުން ބިނާކުރުމަށް މަސައްކަތް ކުރަމުންނެވެ.