ސަޕްލިމެންޓަރީ ބަޖެޓް ދިރާސާ ކުރާ ކޮމިޓީގެ މުގައްރިރަކަށް ފުވައްމުލަކު މެދު ދާއިރާގެ މެންބަރު އަލީ ފަޒާދު އައްޔަނު ކޮށްފި އެވެ.
ސަޕްލިމެންޓަރީ ބަޖެޓްގެ މަސައްކަތް ބަޖެޓް ކޮމިޓީން މިއަދު ފަށާފައިވާއިރު އެ ކޮމިޓީގެ މުގައްރިރު އަދި ނައިބު މުގައްރިރުގެ މަގާމަށް ބޭފުޅުން އައްޔަނު ކޮށްފައިވެ އެެވެ. އެގޮތުން މުގައްރިރުގެ މަގާމަށް އަލީ ފަޒާދު އައްޔަނު ކުރެއްވިއިރު ނައިބު މުގައްރިރުގެ މަގާމަށް އައްޔަނު ކޮށްފައިވަނީ އޭދަފުށީ ދާއިރާގެ މެންބަރު އަހުމަދު ސަލީމެވެ.
ސަޕްލިމެންޓަރީ ބަޖެޓްގެ ގޮތުގައި މަޖިލީހަށް ހުށަހަޅާފައިވަނީ 5.1 ބިލިއަން ރުފިޔާ އެވެ. މި ބަޖެޓުގެ ތެރޭގައި ހިމެނެނީ ރިކަރަންޓް ޚަރަދުގެ ގޮތުގައި 1.5 ބިލިއަން ރުފިޔާ އާއި ކެޕިޓަލް ޚަރަދުގެ ގޮތުގައި 3.5 ބިލިޔަން ރުފިޔާ އެވެ.
ސަޕްލިމެންޓަރީ ބަޖެޓް ދިރާސާ ކުރާ ކޮމިޓީން އެއް ދުވަސްތެރޭ ބަޖެޓް ދިރާސާކޮށް ނިންމުމަށް މަޖިލީހުން ވަނީ ފާސްކޮށްފަ އެވެ.