ހަނގުރާމަވެރި ހަތިޔާރު ގެންގުޅުމުގެ ކުށުގައި 11 އަހަރުގެ ޖަލު ހުކުމެއް ތަންފީޒްކުރަމުން ގެންދާ ކުރީގެ ޑިފެންސް މިނިސްޓަރ ކާނަލް މުހައްމަދު ނާޒިމްގެ އާއިލީ ބައްދަލުވުން ކެންސަލްވެފައިވާ ކަމަށް މޯލްޑިވްސް ކަރެކްޝަނަލް ސާރވިސް އިން ނާޒިމްގެ އާއިލާ އަށް އަންގައިފިއެވެ.
ކާނަލް ނާޒިމްގެ އާއިލާގެ ފަރާތުން ވާހަކަ ދެއްކީ ބޭފުޅަކު ބުނިގޮތުގައި މިއަދު މެންދުރުފަހު އާއިލީ ބައްދަލުވުން ބޭއްވޭނެ ކަމުގެ ޔަޤީންކަން ކަރެކްޝަނަލް ސާރވިސް އިން ދީފައިވާ ކަމަށާއި ނަމަވެސް ކުއްލިގޮތަކަށް އެ ބައްދަލުވުން ކެންސަލްވެފައިވާ ކަން އަންގާފައިވާކަމަށެވެ. އެހެންނަމަވެސް އާއިލީ ބައްދަލުވުން ކެންސަލްވީ ކޮން ސަބަބަކާއި ހުރެކަން އާއިލާއަށް އަންގާފައި ނުވާކަމަށް ވެއެވެ.
މީގެ ކުރިން ކާނަލް ނާޒިމް ބޭސްފަރުވާއަށް ރާއްޖެއިން ބޭރަށް ދިއުމުގެ ހުއްދައަށް އެދުމުން އެ ހުއްދަ ނުދިނުމަށް ކަރެކްޝަނަލް ސާރވިސްގެ ބޯޑް މެންބަރުންނަށް ސަރުކާރުގެ ބޮޑު ވަޒީރަކު ބާރު އަޅުއްވާފައިވާކަމަށް ސޯޝަލް މީޑިޔާގައި ވާހަކަދެކެވިފައެވެ.
ކުއްލިގޮތަކަށް ކާނަލް ނާޒިމްގެ އާއިލީ ބައްދަލުވުން ކެންސަލްވެފައިވާއިރު ހޯމް މިނިސްޓްރީ ހިންގެވުމާއި މިވަގުތު ހަވާލުވެގެން ހުންނެވި ޓޫރިޒަމް މިނިސްޓަރ އަޙްމަދް އަދީބެވެ.