މޯލްޑިވްސް ނެޝަނަލް ކެޑޭޓް ކޯ (އެމްއެންސީސީ) ގެ އިންސްޓްރަކްޓަ ކޮލިފިކޭޝަން ކޯސް 3 ފަށައިފި އެވެ.
ކޯސް ފެށުމުގެ ގޮތުން ކ.ގިރިފުށީގައި ބޭއްވި ރަސްމިއްޔާތު ޝަރަފުވެރިކޮށް ދެއްވީ، އެންސީއޯ އެކަޑެމީގެ ޑައިރެކްޓަ މޭޖަ ޙުސައިން ޝާހިދެވެ.
މި ކޯހުގައި، ރާއްޖޭގެ އެކި ކަންކޮޅުތަކަށް ނިސްބަތްވާ ގިނަ ސްކޫލުތަކަކުން 29 ކެޑޭޓުން ބައިވެރިވެފައިވެ އެވެ. ދިގަ ދުވަހަށް ކުރިއަށް ގެންދާ މި ކޯހުގެ ތަމްރީނުގެ ބަައިތައް ގިރިފުށި ޓްރެއިނިން ސެންޓަރުގައި ކުރިއަށް ގެންދާ އިރު، ކޯހުގައި މުދައްރިބުންގެ ގޮތުގައި ހަަރަކާތްތެރި ވަނީ އެމްއެންޑީއެފްގެ މުދައްރިބުންނެވެ.
ކޯހުގައި ކިޔަވައިދެއްވާ ބައިތަކުގެ ތެރޭގައި، ފުޓް ޑްރިލް، ސްކޮޑް ޑްރިލް، ރައިފަލް ޑްރިލް، ކޭން ޑްރިލް، ފްލެގް ޑްރިލް، ޓީޗިން ޓެކްނީކްސްގެ އިތުރުން ފިޒިކަލް ފިޓްނަސް އަދި ސްވިމިން ހިމެނެ އެވެ.