އަސްކަރީ ދާއިރާ އިން މަތީ ތައުލީމު ހާސިލުކުރަން އެމެރިކާ އިން ލިބިފައިވާ 24 ސްކޮލަޝިޕަކަށް ކުރިމަތިލާން ޑިފެންސް މިނިސްޓްރީން ހުޅުވާލައިފި އެވެ.
މީގެ ތެރޭގައި ހިމެނެނީ ޔުނައިޓެޑް ސްޓޭޓްސް އެއާފޯސް އެކެޑަމީ (ޔޫއެސްއޭއެފްއޭ) އިން އެއާފޯސް ދާއިރާ އިން ބެޗްލާސް ޑިގްރީ އަސް ލިބިފައިވާ ހަ ސްކޮލަޝިޕަކާއި ޔުނައިޓެޑް ސްޓޭޓްސް ކޯސްޓްގާޑް އެކެޑަމީ (ޔޫއެސްސީޖީއޭ) އިން ކޯސްޓްގާޑު ދާއިރާ އިން ބެޗްލާސް ޑިގްރީ އަށް ކިޔަވަން ލިބިފައިވާ ހަ ސްކޮލަޝިޕަކާއި ޔުނައިޓެޑް ސްޓޭޓްސް މިލިޓަރީ އެކެޑަމީ (ޔޫއެސްއެމްއޭ) މިލިޓަރީ ދާއިރާ އިން ބެޗްލާސް ޑިގްރީ އަށް ކިޔަވަން ލިބިފައިވާ ހަ ސްކޮލަޝިޕެއްގެ އިތުރުން ޔުނައިޓެޑް ސްޓޭޓްސް ނޭވަލް އެކެޑަމީ (ޔޫއެސްއެންއޭ) އިން ނޭވީ ދާއިރާ އިން ބެޗްލާސް ޑިގްރީ އަށް ކިޔަވަން ލިބިފައިވާ ހަ ސްކޮލަޝިޕެވެ.
އަންނަ އަހަރު ޖޫން މަހުގެ ތެރޭގައި ކިޔަވަން ފަށަން ހަމަޖެހިފައިވާ މި ކޯސްތަކުގެ މުއްދަތަކީ ހަތަރު އަހަރެވެ.
ސްކޮލަޝިޕްތަކަށް ކުރިމަތިލުމުހެ ފުރުސަތު ހުޅުވާލާފައި ވަނީ އަންނަ މަހުގެ 7 އާ ހަމައަށެވެ. މިކަމާ ބެހޭ އިތުރު މައުލޫމާތު މި ނަންބަރު 9923148 އިން ހޯދޭނެ އެވެ.