"ގެދޮރުވެރިޔާ" ސްކީމްގެ ދަށުން ފްލެޓް ލިބުނު ފަރާތްތަކުގެ ދާއިމީ ލިސްޓާ ގުޅޭ މައްސަލަތަކެއް ބަލަމުންދާތީ، ހުރިހާ ފޯމެއް އަލުން އިވެލުއޭޓް ކުރަން ފަށާފައިވާ ކަމަށް ހައުސިން މިނިސްޓްރީން ބުނެފި އެވެ.
އެ މިނިސްޓްރީން މިއަދު ނެރުނު ބަޔާނެއްގައި ބުނީ ކުރީގެ ސަރުކާރުން ޖޫން 26، 2022 ގައި ފަށާފައިވާ "ގެދޮރުވެރިޔާ" ސްކީމްގެ ދަށުން ނޮވެމްބަރު 15، 2023 ގައި އިއުލާންކޮށްފައިވާ ފްލެޓް ލިބޭޭ ފަރާތްތަކުގެ ދާއިމީ ލިސްޓް އެކުލަވާލުމުގައި ކޮރަޕްޝަނަށް މަގުފަހިވާ ކަމަާށް ތުހުމަތުކޮށް ހުށަހެޅިފައިވާ މައްސަލައަކާ ގުޅިގެން އެންޓި-ކޮރަޕްޝަން ކޮމޮޝަން އޭސީސީ) އިން އެކަން ބަލަމުންދާތީ ރައީސް ޑޔ. މުހައްމަދި މުއިއްޒުގެ ލަފާގެ މަތިން އެކުލަވާލެވުނު ހައުސިން އެޑްވައިޒަރީ ކޮމިޓީ އާއި މާލެ ސިޓީ ކައުންސިލުން އެކުލަވާލި ހައުސިން ކޮމްސަލްޓެޓިވް ކޮމިޓޮ އަށް ދާއިމީ ލިސްޓް އެކުލަވާލާފައިވާ ގޮތް ރަނގަޅު ކަމަށް ނުފެންނާތީ ހުރިހާ އެޕްލޮލޭޝަންތަކެއް ނިސްޓްރީން މިހާރު އަލުން އިލެވުއޭޓް ކުރަމުން އަންނަ ކަމަށެވެ.
އެހެންވެ އެކަން ނިންމަން އިތުރު ވަގުތު ބޭނުންވާތީ އަންނަ މަހުގެ ދެވަނަ ހަފުތާގެ ނިޔަލަށް ވަގުތީ ލިސްޓެއް އާންމު ކުރަން މިނިސްޓްރީން މަސައްކަތް ކުރަމުން އަންނަ ހައުސިން މިނިސްޓްރީން ބުންޏެވެ.
"ގެދޮރުވެރިޔާ ސްކީމު" ގެ ދަށުން ފުރަތަމަ ފްލެޓް ދޭން ނިންމީ 4،000 މީހުންނަށެވެ. އެގޮތުން ލިސްޓް އާންމުކުރުމާ އެކީ ގިނަ ފެންމަތިވި ޝަކުވާތަކާއި ކަންބޮޑުވުންތައް ފެންމަތިވި އެވެ.
އަދި ފްލެޓްތައް ހަވާލުު ކުރުން ލަސްވެގެން ވެސް ފްލެޓް ލިބުނު ފަރާތްތަކުން ދަނީ ތަކުރާރުކޮށް ކަންބޮޑުވުން ފާޅުކޮށް، ދޭތެެރެ ދޭތެރެ އިން އިހުތިޖާޖު ވެސް ކުރަމުންނެވެ.
"ގެދޮރުވެރިޔާ" ސްކީމުން ފްލެޓް ލިބުނު މީހުންގެ ލިސްޓް އަލުން އިވެލުއޭޓްކުރަން ފެށި އިރު، "ބިންވެރިޔާ" ސްކީމްގެ ދަށުން ގުޅީފަޅުން ދޫކޮށްފައިވާ ގޯތިތަކުގެ ގުރުލުން މާދަމާ ބާއްވަން ހައުސިން މިނިސްޓްރީން ވަނީ ނިންމައިފަ އެވެ.