މަކަރާއި ހީލަތުގެ މައްސަލައެއްގައި އައްޑޫ ހިތަދޫ މީހަކު ހޯދަން ފުލުހުން އިއުލާންކޮށްފި އެވެ.
ހޯދަނީ އެ އަވަށު ނޮވެމްބަރުގޭ އިބްރާހީމް އަސްއަދު، 33، އެވެ.
ފުލުހުން ބުނީ އޭނަ ހޯދަނީ މ. ކޮޅުފުށީ ޕޮލިސް ސްޓޭޝަނުން ތަހުގީގު ކުރަމުން އަންނަ މަކަރާއި ހީލަތުގެ މައްސަލައެއްގެ ތަހުގީގަށް މީހަކު ހާޒިރުކުރުމަށް ބޭނުންވެ، އުޅޭ ވަކި ތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދު ކުރެވިފައި ނުވާތީ ކަމަށެވެ.
އެހެންވެ އަންނަ މަހުގެ 5 ވަނަ ދުވަހުގެ ހެނދުނު 11:00 އަށް އަސްއަދު، މާލޭގެ ސާޖަންޓް އާދަމް ހަލީމް ކްރިމިނަލް އިންވެސްޓިގޭޝަން ބިލްޑިން އަށް ހާޒިރުވާން އަންގާފައިވެ އެވެ.