ޓެކްސް އެޕީލް ޓްރައިބިއުނަލްގެ ރައީސަކަށް ޢަބްދުލްޣަނީ މުޙައްމަދު އަދި ނައިބު ރައީސްގެ މަޤާމަށް ޙަސަން ޒުހައިރު މުޙައްމަދު ކަނޑައަޅައިފި އެވެ.
ޓެކްސް ނެގުމާބެހޭ އިދާރީ ޤާނޫނުގައިވާ ގޮތުގެ މަތިން ރައީސް ޑރ. މުޙައްމަދު މުޢިއްޒު، ޓެކްސް އެޕީލް ޓްރައިބިއުނަލަށް 4 މެންބަރަކި ޢައްޔަން ކުރެއްވީ މި މަހުގެ 24 ގަ އެވެ.
ޓެކްސް އެޕީލް ޓްރައިބިއުނަލުގެ ރައީސާއި ނައިބް ރައީސް ހޮވަނީ ޓެކުސް ނެގުމާއި ބެހޭ އިދާރީ ޤާނޫނުގެ ދަށުން، އެ ޓްރައިބިއުނަލްގެ މެންބަރުންގެ މެދުގައި ސިއްރު ވޯޓަކުންނެވެ. އެގޮތުން ރައީސަކަށް ކަނޑައެޅި ޢަނީ އަކީ ހައި ކޯޓުގެ ކުރީގެ ފަނޑިޔާރެކެވެ.
ޓެކްސް އެޕީލް ޓްރައިބިއުނަލަށް އާ މެންބަރުންތަކެއް އައްޔަންކޮށްފައި ވަނީ ކުރީގެ މެންބަރުންގެ މަގާމުން ވަކިކުރުމާ ގުޅިގެންނެވެ.