ބޭންކް އޮފް މޯލްޑިވްސް (ބީއެމްއެލް) އިން 6 ރަށަކަށް 300 ބައިސްކަލު ހަދިޔާކޮށްފި އެވެ.
ބައިސިކަލުތައް ހަދިޔާކޮށްފައި ވަނީ 14-17 އަހަރާ ދެމެދުގެ ކުދިންނަށެވެ. މި ބައިސްކަލުތައް ބެހުމުގެ މަސައްކަތް ކޮށްފައިވަނީ 6 ޖަމިއްޔާއެއް މެދުވެރިކޮށެވެ.
ބައިސްކަލު ހަދިޔާކުރި ރަށްތަކާއި ޕްރޮގްރާމްގައި ބައިވެރިވި ޖަމިއްޔާތައް:
* ހއ. ދިއްދޫ، ދިއްދޫ ކުރިމަގު ޖަމިއްޔާ
* ބ. އޭދަފުށި، ވެސްޓް ވިންގްސް ޖަމިއްޔާ
* ކ. މާފުށި، ިއު ސްޓާ ސްޕޯޓްސް ކްލަބް
* ނ. މަނަދޫ، ޗެސްޓާ ޖަމިއްޔާ
* މ. މުލައް، ކޮމިއުނިޓީ އެމްޕަވަރމެންޓް ލިންކޭޖް
* ވިލިމާލެ، ސޭވް ދަ ބީޗް
ގައުމީ ބޭންކުން ބުނީ އެ ރަށްތަކަށް ބައިސްކަލް ހަދިޔާކުރީ ދުޅަހެޔޮ ދިރިއުޅުމެއް އާދަކުރުވުމާއި ތިމާވެއްޓާ ރައްޓެހި ދަތުރުފަތުރުގެ ވަސީލަތްތައް ބޭނުންކުރުމަށް ހިތްވަރު ދިނުމުގެ ގޮތުން ކަމަށެވެ.