މި އަހަރުގެ މިހާތަނަށް ގައިދީންގެ މެދުގައި ދީނީ ހޭލުންތެރިކަން އިތުރުކޮށް، ދީނީ ޞައްޙަ މަޢުލޫމާތު ދިނުމަށް 210 ޕްރޮގުރާމެއް ކުރިއަށް ގެންގޮސްފި އެވެ.
އިސްލާމިކް މިނިސްޓްރީގެ ދަށުން މި ޕްރޮގުރާމްތައް ކުރިއަށް ގެންގޮސްފައި ވަނީ ކ. މާފުށި ޖަލާއި، ހުޅުމާލެ ޖަލުގެ އިތުރުން ކ. ހިންމަފުށި ޑްރަގް ޓްރީޓްމަންޓް އެންޑް ރިހެބިލިޓޭޝަން ސެންޓަރުގަ އެވެ.
މި ޕްރޮގުރާމްތައް ކުރިއަށް ގެންދަނީ މިނިސްޓްރީގެ ދީނީ ދަޢުވާ ސެކްޝަންގެ ފަރާތުންނެވެ.
އެގޮތުން މާފުށީ ޖަލުގައި 63 ޕްރޮގުރާމް ކުރިއަށް ގެންގޮސްފައިވާ އިރު، ހިންމަފުށި ޖަލުގައި 76 ޕްރޮގުރާމް އަދި ހިންމަފުށި ޑްރަގް ރިހޭބިލިޓޭޝަން ސެންޓަރުގައި 31 ޕްރޮގުރާމް ވަނީ ކުރިއަށް ގެންގޮސްފައިވެ އެވެ. މީގެ އިތުރުން ހުޅުމާލެ ޖަލުގައި 40 ޕްރޮގުރާމް ކުރިއަށް ގެންގޮސްފައިވެ އެވެ.
ގައިދީން އަނބުރާ މުޖުތައަމަށް ނުކުންނަ އިރު، އެ މީހުންނަކީ ހުރިހާ ގޮތަކުން ވެސް ރަނގަޅު ބަޔަކަށް ހެދުމަށް މޯލްޑިވްސް ކަރެކްޝަނަލް ސާވިސް އިން އަންނަނީ ތަފާތު ގިނަ ކަންކަން ކުރަމުންނެވެ. އޭގެ ތެރޭގައި ގައިދީންނަށް ތަފާތު މަސައްކަތްތަް ދަސްކޮށް ދިނުމުގެ ޕްރޮގްރާމްތައް ވެސް ހިމެނެ އެވެ،