އައްޑޫ ފޭދޫން އަލަށް ދޫކުރި ގޯޯތިތަކުގެ ރަޖިސްޓްރީ އަށް 100ރ. ދައްކަން ޖެހޭ ކަމަށް ކައުންސިލް އިދާރާ އިން ބުނެފި އެވެ.
އެތަނުން ކުރި އިއުލާނެއްގައި ބުނީ ރަޖިސްޓްރީ ހައްދަން ހުށަހަޅާ އިރު، ގޯތި ގުރުއަތު ނަންބަރު ލިޔުމުގެ ކޮޕީ އާއި ގޯތި ލިބުނު ފަރާތުގެ އައިޑީ ކާޑުގެ ކޮޕީއެއް ހުށަހަޅަން ޖެހޭނެ ކަމަށެވެ. ރަޖިސްޓްރޭޝަނަށް އެދޭ ފޯމް ކައުންސިލްގެ ވެބްސައިޓުން ޑައުންލޯޑް ކުރެވޭނެ އެވެ.
ގޯތީގެ ރަޖިސްޓްރޭޝަނަށް ދައްކަން ޖެހޭ ފީ ޓްރާންސްފާ ވެސް ކުރެވޭނެ އެވެ.
* އެކައުންޓްގެ ނަން: 1277 ރެވެނިއު 01
* އެކައުންޓް ނަންބަރު: 7708700341001
* ސްލިޕް ވައިބާ ކުރާ ނަމްބަރު: 7360031
ފޭދޫން 300 ގޯތި ދޫކޮށްފައިވެ އެވެ. އެ ބިންތައް ދޫކޮށްފައި ވަނީ އެ އަވަށުގެ ހިއްކި ބިމުންނެވެ.
ފޭދޫގެ އިތުރުން ހިތަދު އާއި މީދޫ އަދި ހުޅުމީދުން ވެސް ގޯތި ދޫކޮށްފައިވެ އެވެ. އެގޮތުން ހަތަރު އަވަށުން 1،000 ގޯތި ދޫކޮށްފައިވެ އެވެ. އެއީ ހިތަދޫން ދޫކުރި 500 ގޯއްޗާއި ހުޅުމީދޫން ދޫކުރި 200 ގޯއްޗާ އެކީގަ އެވެ.