ހުޅުމާލޭގައި ބާއްވާ ދީނީ ދަރުހަކަށް ހާޒިރުވެގެން އައިފޯނެއް ހޯދުމުގެ ފުރުސަތު ހުޅުވާލައިފި އެވެ.
"ކަލަކުވޭ، ބިރުވެތިވޭ!" ގެ ނަމުގައި ބާއްވާ މި ދަރުސް އޮންނާނީ އަންނަ މަހުގެ 2 ވަނަ ދުވަހުގެ ރޭ ހުޅުމާލޭގެ ރުއްގަނޑު 2 ސަރަހައްދުގަ އެވެ. ރާއްޖޭގެ މަޝްހޫރު ދީނީ އިލްމުވެރިޔާ ޑރ. އާދަމް ޝަމީމު ދެއްވާ ދަރުސް ފަށަން ހަމަޖެހިފައި ވަނީ އެރޭ 9:00 ގަ އެވެ.
މި ދަރުސް އިންތިޒާމު ކުރަނީ އިސްލާމިކް މިނިސްޓްރީ އާއި ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އާ ގުޅިގެން އަލް އަސްރު ޖަމިއްޔާއިންނެވެ.
ދަރުސް އަށް ހާޒިރުވާ މީހުންގެ މެދުގައި ގުރުލައިގެން ހޮވޭ ފަރާތަކަށް ހަދިޔާއެއްގެ ގޮތުގައި ދޭން ހަމަޖެހިފައި ވަނީ އައިފޯން 16 ޕްރޯ މެކްސްއެކެވެ.