އިންޓަނޭޝަނަލް ކްރިމިނަލް ކޯޓް އައިސީސީ) ގެ އެންމެ އިސް ޕްރޮސެކިއުޓަރު ކަރީމްގެ ޚާންގެ މައްޗަށް ޖިންސީ ގޯނާގެ ތުހުމަތުތަކެއްކޮށްފި އެވެ.
މިކަމާ ގުޅިގެން އޭނަ ނެރުއްވި ބަޔާނެއްގައި އެ ތުހުމަތުތަކަށް އިންކާރު ކުރައްވާފައިވެ އެވެ އަދި އެ މައްސަލަ ތަހުގީގުކުރަން އައިސީސީ އަށް ފާރަވެރިވާ އިންޑަޕެންޑެންޓް އޯވަސައިޓް މެކޭނިޒަމް އައިއޯއެމް) އަށް ވަނީ ގޮވާލައްވައިފަ އެވެ. ޚާން ވިދާޅުވީ އޭނެގެ މައްޗަށް ކޮށްފައިވާ ޖިންސީ ގޯނާގެ ތުހުމަތުކަކީ އެއްވެސް ހަގީގަތެއް ނެތް، ދޮގު ތުހުމަތުތަކެއް ކަމަށެވެ.
އެހެންވެ މިކަމާ ގުޅޭ ތަހުގީގެއް ދެފުށްފެންނަ ގޮތަށް އިންސާފުވެރިކޮށް ކުރިއަށް ގެންދެވުމަށް ކަރީމް ވަނީ އެދިވަޑައިގެންފަ އެވެ.
"އަދި ތަހުގީގަށް އަހަރެން މި ހުރީ ފުރިހަމަ އެއްބާރުލުން ދޭން ތައްޔާރަށް." އޭނަ ވިދާޅުވި އެވެ.
ޚާން، 54. ގެ މައްޗަށް ކޮށްފައިވާ ތުހުމަތުތަކުގެ ތެރޭގައި މަސައްކަތުގެ މާހައުލުގެ ތެރޭގައި އަންހެން ވަކީލުންތަކެއްގެ ގަޔަށް އަތްލުމާއި ޖިންސީ ފުރައްސާކުރުން ހިމެނެ އެވެ.