ރަޝިއާ އިން ރާއްޖެއަށް ކަނޑައަޅުއްވާފައި ހުންނަވާ ސަފީރު ލިވާން ޒަގަރްޔާންއާ ޑިފެންސް މިނިސްޓަރު ޣައްސާން މައުމޫން ބައްދަލު ކުރައްވައިފި އެވެ.
އިއްޔެގެ އެ ބައްދަލުވުމުގައި ދެ ގައުމުގެ ގުޅުމުގެ މައްޗަށް އަލިއަޅުވާލައި، ދެ ގައުމުގެ ވެސް މަސްލަހަތު ހިމެނޭ ކަންކަމާ ގުޅޭ ގޮތުން މަޝްވަރާކޮށްފައިވެ އެވެ. ބައްދަލުވުމުގައު ޢައްސާން ވަނީ ރަޝިއާ އަކީ ރާއްޖެ އަށް މިހާރު އެންމެ ގިނަ ޓޫރިސްޓުން އަންނަ އެ އެއް ގައުމު ފާހަގަ ކުރައްވައިފަ އެވެ.
ބައްދަލުވުުގައި ރަޝިއާ ސަފީރު ވަނީ ރާއްޖެ އަކީ އަބަދުވެސް ރަޝިއާ މީހުންގެ މެދުގައި މަގުބޫލު ޗުއްޓީ މަންޒިލެއްކަން ފާހަގަ ކުރައްވައި، އެކި ގޮތް ގޮތުން ރާއްޖެއަށް އެހީތެރިކަން ދޭން ބޭނުންވާ ކަމަށް ވިދާޅުވެފަ އެވެ.
ރަޝިއާ މިހާރު ހިމެނެނީ ރާއްޖެ އަށް އެންމެ ގިނަ ޓޫރިސްޓުން 10 ގައުމުގެ ލިސްޓްގެ 2 ވަނައިގަ އެވެ. އެ ގައުމުން މިހާތަނަށް ލައްކައަކަށް ވުރެ ގިނަ ޓޫރިސްޓުން އައިސްފައިވެ އެވެ.