އައްޑޫގެ ޖަމިއްޔާއެއް ކަމަށްވާ މިޝްކާތު ފައުންޑޭޝަނުން ބާއްވާ ދެވަނަ ނަމާދު ވޯކްޝޮޕްގައި ބައިވެރިވާން ހުޅުވާލައިފި އެވެ.
ކުޑަކުދިންނަށް ނަމާދު ކުރަން ދަސްކޮށްދޭން ކުރިއަށް ގެންދާ ސިލްސިލާ ވޯކްޝޮޕްގެ ދެވަނަ ޕްރޮގްރާމް ކުރިއަށް ގެންދަން ނިންމާފައި ވަނީ ހިތަދޫ އަވަށު އޮފީހާ ގުޅިގެން އެ އަވަށުގަ އެވެ.
އެގޮތުން އަންނަ މަހުގެ 2 އާއި 3 ގައި ކުރިއަށް ގެންދަން ނިންމާފައިވާ ނަމާދު ވޯކްޝޮޕް ހާއްސަކޮށްފައި ވަނީ އުމުރުން 7-9 އަހަރުގެ ފިރިހެން ކުދިންނަށެވެ. ހިތަދޫ މަސްޖިދު ވާލިދައިންގައި ކުރިއަށް ގެންދަން ހަމަޖެހިފައިވާ ވޯކްޝޮޕްގައި ކުދިން ބައިވެރިކުރަން މިހާރު އޮންލައިންކޮށް ރަޖިސްޓްރީ ކުރެވޭނެ އެވެ. ވޯކްޝޮޕުން ފުރުސަތު ދޭން ހަމަޖެހިފައި ވަނީ 30 ކުއްޖަކަށެވެ.
މި ނަމާދު ވޯކްޝޮޕްގެ ސެޝަންތައް ނަންގަވައި ދެއްވާނީ އައްޑޫގެ ހަތަރު ޝެއިހެކެވެ.
މިޝްކާތު ފައުންޑޭޝަންގެ ފުރަތަމަ ނަމާދު ވޯކްޝޮޕް މި މަހުގެ 4-5 ގައި ބޭއްވ މަރަދޫފޭދޫގަ އެވެ. އެ ވޯކްޝޮޕް ބޭއްވީ އުމުރުން 7-12 އަހަރާ ދެމެދުގެ ކުދިންނަށް ހާއްސަކޮށްގެންނެވެ.