ދާދި ފަހުން ޕްރޮސެކިއުޓަ ޖެނެރަލް ޕީޖީ) ގެ މަގާމުން އިސްތިއުފާ ދެއްވި ހުސައިން ޝަމީމް ޓޫރިޒަމް ދާއިރާގައި މަސައްކަތް ކުރައްވަން ފައްޓަވައިފި އެވެ.
އޭނަ އަކީ މިހާރު ރާއްޖޭގައި ގެސްޓްހައުސް ވިޔަފާރި ހިންގަމުން އަންނަ މަޝްހޫރު ކުންފުނި ކާނި ހޮޓެލްސް ގްރޫޕްގެ އޮޕަރޭޝަންސް މެނޭޖަރެވެ.
މީޑިއާއަކަށް އޭނަ މިއަދު ވިދާޅުވެފައި ގާނޫނީ ދާއިރާގައި 20 އަހަރު ވަންދެން މަސައްކަތް ކުރެއްވުމަށް ފަހު، ފަހު ޓޫރިޒަމް ދާއިރާއާ ގުޅިވަޑައިގަތީ ގާނޫނީ ދާއިރާގައި ދެން ކުރައްވާނެ އިތުރު އާ ކަމެއް ނެތުމުން ކަމަށެވެ.
ޝަމީމު ޕީޖީގެ މަގާމުން އިސްތިއުފާ ދެއްވީ އޭނަގެ މައްޗަށް އިތުބާރު ނެތްކަމުގެ ވޯޓެއް ނަގަން ރައްޔިތުންގެ މަޖިލީހުން ފާސްކުރަން ތައްޔާރުވެފައި ވަނިކޮށް އޮގަސްޓް މަހުގެ 20 ވަނަ ދުވަހުގެ ރޭގަ އެވެ.