ބަތަލާ އާލިއާ ބަޓް މިހާރު ކުޅެމުން އަންނަ ޔާޝްރާޖް ފިލްމްސް ވައިއާރްއެފް) ގެ ސްޕައި ޔުނިވާސް އަށް ނިސްބަތްވާ ފިލްމު "އަލްފާ" ގައި ހިމަނަން ނިންމާފައިވާ ރިތިކް ރޯޝަންގެ ހާއްސަ ފެނިލުމަށް އޭނަ އަންނަ މަހުގެ ތެރޭގައި ޝޫޓްކުރާ ގޮތަށް ހަމަޖެހިއްޖެ އެވެ.
ފިލްމީ ޚަބަރުތައް ގެނެސްދޭ މީޑިއާތަކުން ބުނީ އެ ޝޫޓިން އަށް ރިތިކް އަންނަ މަހުގެ 6 އިން ފެށިގެން ތިން ދުވަހުގެ ޓްރެއިނިންތަކެއް ކުރިއަށް ގެންދާނެ ކަމަށެވެ. އޭގެ ފަހުން އޭނަ އަށް ދުވަހަށް މުމްބާއީގައި ޝޫޓްކުރާނެ އެެވެ. "އަލްފާ" ގައި ރިތިކް ފެންނާނީ ސްޕައި ޔުނިވާސް އަށް ނިސްބަތްވާ އޭނަގެ ފްރެންޗައިޒް "ވޯ" ގައި ކުޅޭ ރޯ އޭޖެންޓް ކަބީރުގެ ކެރެކްޓާއިންނެވެ.
އެގޮތުން "އަލްފާ" ގައި އޭނަ އަކީ އާލިއާގެ މެންޓޯއެކެވެ.
ދެހާސް ނަވާރައިގައި ރިލީޒްކުރި "ވޯ" ގެ ދެވަނަ ބައި އަންނަ އަހަރު ރިލީޒްކުރަން ހަމަޖެހިފައިވެ އެވެ. "ވޯ 2" ގެ ކާސްޓްގައި ތެލެގޫ އެކްޓަރު އެންޓީއާރް ޖޫނިއާ ވެސް ހިމެނޭ އިރު، ފިލްމުގެ ބަތަލާ އަކީ ކިއާރާ އަދުވާނީ އެވެ. މީގެ ޑައިރެކްޓަރަކީ އަޔާން މުކަރްޖީ އެވެ.
ޝިވް ރަވައިލް ޑައިރެކްޓްކުރާ "އަލްފާ" ގެ ކާސްޓްގައި ޝަރްވާރީ ވާގްގެ އިތުރުން ބޮބީ ޑިއޯލް އާއި އަނިލް ކަޕޫރް ވެސް ހިމެނެ އެވެ.
މި ފިލްމު ސިނަމާތަކަށް ގެންނާނީ އަންނަ އަހަރުގެ ޑިސެމްބަރު 25 ގަ އެވެ.
ވައިއާރްއެފްގެ ސްޕައި ޔުނިވާސް އަށް ނިސްބަތްވާ ފިލްމުތަކުގެ ތެރޭގައި ސަލްމާން ޚާންގެ "ޓައިގާ" ފްރެންޗައިޒާއި ޝާހްރުކް ޚާންގެ "ޕަތާން" ވެސް ހިމެނެ އެވެ.