ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) ގެ ރައީސް ހަމްދީ އަގީލް ޗައިނާ އަށް ފުރާވަޑައިގެންފި އެވެ.
އޭނަގެ މި ދަތުރަކީ "ސެމިނަ އޮން މެރިން ސްޕެޝަލް ޕްލޭނިން އެންޑް ބްލޫ އިކޮނޮމިކް ޑިވެލޮޕްމަންޓް ފޮ ކަންޓްރީސް އެލޯންގ ދި މެރިޓައިމް ސިލްކް ރޯޑު"ގައި ބައިވެރިވެވަޑައިގެންނެވުމަށް ކުރައްވާ ދަތުރެކެވެ.
އެ ސެމިނާ ކުރިއަށް ދާނީ މާދަމާ އިން ފެށިގެން އަންނަ މަހުގެ 12 އާ ހަމައަށް ޗައިނާގެ ޒިއަމެން ސިޓީގަ އެވެ. ސެމިނާގައި އަގީލާ އެކު ޕީސީބީގެ ބޯޑުގެ މެންބަރު މޫސާ ފަތުޙީ ވެސް ބައިވެރިވެވަޑައިގަންނަވަ އެވެ.
ސެމިނާ އަށް ފަހު އެ ބޭފުޅުން އެނބުރި ވަޑައިގަންނަވާނީ އަންނަ މަހުގެ 13 ގަ އެވެ.