އަންނަ މަހު ބާއްވާ 73 ވަނަ މިސް ޔުނިވާސްގައި ދިވެއްސަކު ބައިވެރިވުމަކީ ސަރުކާރުގެ ބައިވެރިވުމެއް އޮތް ކަމެއް ނޫން ކަމަށާއި އެކަން ބަލައި ވެސް ނުގަންނަ ކަމަށް ޔޫތު މިނިސްޓްރީން ބުނެފި އެވެ.
އެ މިނިސްޓްރީން މިއަދު ނެރުނު ބަޔާނެއްގައި ބުނީ ދިވެހިންގެ ދީނާއި އަގީދާ އާއި ސަގާފަތާ ނުގުޅޭ ހަރަކާތްތަކާއި މުބާރާތްތަކުގައި ދިވެހިން ބައިވެރިވުމަކީ ސަރުކާރުން ބަލައިގަންނަ ކަމެއް ނޫން ކަމަށެވެ. އަދި އެފަދަ ކަންކަމަކީ ދިވެހިން ގަބޫލުކުރާ އަހުލާގީ މިންގަނޑުތަކާއި އުސޫލުތަކާ ވެސް ހިލާފު ކަމަށްވާތީ ރާއްޖެ ތަމްސީލު ކުރުމުގެ ނަމުގައި ދިވެއްސަކު އެފަދަ ހަރަކާތަކަށް ދިއުމަކީ ސަރުކާރުން ކުށްވެރި ކުރާ ކަމެއް ކަމަށެވެ.
މިނިސްޓްރީގެ ބަޔާނުގައި ވަނީ މިސް ޔުނިވާސްގައި ރާއްޖެ ތަމްސީލުކުރާ މަރިޔަމް، ޝައިނާ ނަސިީމް، 21، އެކަން ހުއްޓައިލަން ވެސް އިލްތިމާސްކޮށްގަ އެވެ.
މިސް ޔުނިވާސް މުބާރާތް އޮންނާނީ އަންނަ މަހުގެ 16 ގައި މެކްސިކޯގެ ވެރިރަށް، މެކްސިކޯ ސިޓީގަ އެވެ.
🇲🇽 Cónsul at @EmbaMexInd, Diego Pérez, granted a visa to 🇲🇻 contestant Maryam S. Naseem who will represent Maldives in Miss Universe 2024 in 🇲🇽. This is the first time in the history of this competition that Maldives participates. @EmbaMexInd wishes her the best. pic.twitter.com/zPTi3wPOJH
— Embassy of Mexico in India 🇲🇽 (@EmbaMexInd) October 29, 2024
ރާއްޖެ ހިމެނެނީ މި މުބާރާތުގައި މި އަހަރު އަލަށް ވާދަކުރާ 11 ގައުމުގެ ތެރޭގަ އެވެ. އެ ލިސްޓްގައި ދެން ހިމެނީ އިރާން، ޔޫއޭއީ، މަކާއޯ، ބެލާރުސް، އުޒްބެކިސްތާން، އެރިތުރިއާ، މޮލްޑޯވާ، އުތުރު މެސެޑޯނިއާ، ސޯމާލިއާ އަދި ގިނީ އެވެ.
މިސް ވޯލްޑް ފިޔަައި ދުނިޔޭގައި ބާއްވާ އެންމެ ބޮޑު ރީތީގެ މުބާރާތް ކަމަށްވާ މިސް ޔުނިވާސް މުބާރާތުގައި 130 އަށް ވުރެ ގިނަ ގައުމުން ވާދަކުރެ އެވެ.
މިސް ޔުނިވާސްގައި ދިވެއްސަކު ވާދަކުރާތީ ރާއްޖޭގެ ބައެއް ދީނީ އިލްމުވެރިން ވެސް އެކަން ކުށްވެރިކޮށް، އެކަން ސަރުކާރުން ހުއްޓުވުމަށް ގެންދަވަނީ ގޮވާލައްވަމުންނެވެ.