ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ ދިރިއުޅުއްވަމުން ގެންދަވ ރަސްމީ ގެކޮޅު މުރައިދޫގޭގައި މަސައްކަތްކުރަނީ ހަތަރު މުވައްޒަފުން ކަމަށާއި، އެ މުވައްޒަފުންނަށް މަހެއްގެ މައްޗަށް ހޭދަވަނީ 96،917ރ. ރުފިޔާ ކަމަށް މަޖިލީހުގެ އިދާރާ އިން
މުރައިދޫގޭގެ މުވައްޒަފުންގެ ތެރޭގައި ހިމެނެނީ ޗީފް އޮފް ސްޓާފްގެ މަގާމުގައި ހުންނެވި މުންޑޫ އާދަމް ހަލީމާއި، ޑިރެކްޓަ ޖެނެރަލްގެ މަގާމުގައި ހުންނެވި އަލީ އަޝްފާގް (ދަގަނޑޭ) އާއި ސީނިއާ އިލެކްޓްރިކް އެންޑް މެއިންޓަނަންސް އޮފިސަރު އަލީ ސާޖިދުގެ އިތުރުން ޖެނެރަލް ސާވިސް އޮފިސަރު އިސްމާއިލް ތޯރިގެވެ.
މީގެ ތެރެއިން އެންމެ ބޮޑު މުސާރަ ލިބެނީ ޗީފް އޮފް ސްޓާފަށެވެ. އެއީ މުސާރަ އާއި އެލަވަންސްތަކާ އެކު މަހަކު 39،380ރ. އެވެ. ދެން އެންމެ މަތީ މުސާރަ ލިބެނީ ޑިރެކްޓަރ ޖެނެރަލަށެވެ. އެއީ މަހަކު 25،612ރ. އެވެ.
މަޖިލީހުގެ ރައީސް އުޅުއްވާ ރަސްމީ ގެއަކީ މުރައިދޫގެ ގެ ކަމަށް ހަމަޖެއްސީ 2021 ގައި އޭރު މަޖިލީހުގެ ރައީސަކަށް ހުންނެވި ކުރީގެ ރައީސް މުހައްމަދު ނަޝީދު އަވަހާރަކޮށްލަން އެ އަހަރުގެ މެއި 6 ވަނަ ދުވަހުގެ ރޭގެ ދިން ހަމަލާ އަށް ފަހު ސަލާމަތީ ސަބަބުތަކަށްޓަކަ އެވެ.