ކުދި ޖަޒީރާ ޤައުމުތަކަށް ދިމާވެފައިވާ ތިމާވެށީގެ ގޮންޖެހުންތަކާ ކުރިމަތިލުމަށް އިތުރު މާލީ އެހީތެރިކަން ބޭނުންވާ ކަމަށް އެންވަޔަރަމެންޓް މިނިސްޓަރު ތޯރިގު އިބްރާހިމް ވިދާޅުވެއްޖެ އެވެ.
ދެމެހެއްޓެނިވި ފައިނޭންސް އަދި މާލީ ނިޒާމު އިސްލާހުކުރުމާ ބެހޭ މަތީ ފެންވަރުގެ މިނިސްޓީރިއަލް ޑައިލޮގްގައި ވާހަކަދައްކަމުން ތޯރިގު ވިދާޅުވީ ކުދި ޖަޒީރާ ޤައުމުތަކަށް ދިމާވެފައިވާ ތިމާވެށީގެ ގޮންޖެހުންތަކާ ކުރިމަތިލުމަށް އިތުރު މާލީ އެހީތެރިކަން ބޭނުންވާ ކަމަށާއި މިކަމަށް ދުނިޔޭގެ ޤައުމުތަކުން އިތުރު އަހަންމިއްޔަތުކަމެއް ދޭންޖެހޭ ކަމަށެވެ.
އަދި ދެމެހެއްޓެނިވި ތަރައްޤީގެ ލަނޑުދަނޑިތައް ހާސިލުކުރުމަށް ބޭނުންވާ ވަސީލަތްތައް ހޯދުމުގެ މުހިންމުކަން ވެސް މިނިސްޓަރު ތޯރިގު ފާހަގަކުރެއްވި އެވެ.
މި ބައްދަލުވުމަކީ ދެމެހެއްޓެނިވި ތަރައްޤީއަށް މަގުފަހިކުރުމަށް ބޭނުންވާ މާލީ ވަސީލަތްތައް ހޯދުމާއި، މާލީ ނިޒާމު އިސްލާހުކުރުމާ ގުޅޭގޮތުން މަޝްވަރާކުރުމަށް ބޭއްވުނު ބައްދަލުވުމެކެވެ. މި ބައްދަލުވުމުގައި ދުނިޔޭގެ އެކި ޤައުމުތަކުގެ މިނިސްޓަރުންނާއި، އިސް ވެރިން ބައިވެރިވެ ވަޑައިގެންނެވި އެވެ.