މޯލްޑިވިސް ކޮލިފިކޭޝަންސް އޮތޯރިޓީ (އެމްކިޔުއޭ) އަށް ޕްރޮގްރާމް އޮޑިޓްކުރުމަށް ހުށަހަޅާފައިވާ 10،000 ފޯމުތަކުގެ ތެރެއިން މިހާތަނަށް ޖުމްލަ 6،830 ފޯމުގެ މަސައްކަތް ފުރިހަމަކޮށްފި އެވެ.
މީގެ މައިގަނޑު މަގުސަދަކީ ރާއްޖޭގައި ކުރިއަށް ގެންދާ މަތީ ތަޢުލީމާއި ތަމްރީން ޕްރޮގްރާމްތަކަކީ ފެންވަރު ރަނގަޅު ޕްރޮގްރާމްތަކެއްކަން ކަށަވަރުކުރުމެވެ. އެގޮތުން، މަތީ ތަޢުލީމާއި ތަމްރީނުތަށް ފޯރުކޮށްދޭ މަރުކަޒުތަށް ބަލައި ޗެކްކުރުމާއި، އެ މަރުކަޒުތަކުން ހިންގާ ކޯސްތަކާއި ޕްރޮގްރާމްތަކުގެ ފެންވަރު ކަނޑައަޅައި، އެ ޕްރޮގްރާމްތަށް ކުރިއަށް ގެންދަނީ ޤަވާއިދާއި ޤާނޫނާއި ހަމަތާކާއި އެއްގޮތަށްކަން ކަށަވަރުކުރުމުގެ މަސައްކަތް އެމްކިޔުއޭ އިން އަންނަނީ ކުރަމުންނެވެ.
ސަރުކާރުގެ އަމާޒަކީ ރާއްޖޭގެ އެކި ކަންކަޅުތަކުން ފެންވަރު ރަނގަޅު މަތީ ތަޢުލީމު ހާޞިލުކުރުމުގެ ފުރުޞަތުތަށް ފަހިކޮށް ދިނުމާއި، ރާއްޖެއަށް ބޭނުންވާ އެކި ދާއިރާތަކުގައި މަސައްކަތްކުރާނެ ހަރުދަނާ ޒުވާނުން ބިނާކުރުމެވެ.
އެ އަމާޒަށް ވާޞިލްވުމަށް، އެމްކިޔުއޭ އިން އަންނަނީ ޕްރޮގްރާމް އޮޑިޓް، ރިކޮގްނިޝަން ވެލިޑޭޝަން ފަދަ އެތަށް މަސައްކަތްތަކެއް ކުރަމުންނެވެ.