ސްރީލަންކާގެ މަޝްހޫރު ދީނީ ޢިލްމުވެރިޔާ މުއިޒް ބުޚާރީ އައްޑޫ ސިޓީއަށް ވަޑައިގެންފިއެވެ.
ރަމަޟާން މަހުގެ 10 ގެ ނިޔަލަށް މުއިޒް ބުޚާރީ އައްޑޫ ސިޓީއަށް ކުރައްވާ މިދަތުރުފުޅުގައި ދީނީ ދަރުސްތަކާއި، ރޯޑް ޝޯވް އެއްވެސް ބޭއްވުމަށް ވަނީ ހަމަޖެހިފައެވެ. މުއިޒް ބުޚާރީގެ އިތުރުން އަލް އަސްރު ޖަމިއްޔާގެ ބައެއް މެންބަރުންނާއި ޝެއިޚް އާދަމް ޝަމީމް ވެސް މިއަދު އައްޑޫ ސިޓީއަށް ވަޑައިގަންނަވާގޮތަށް ވަނީ ހަމަޖެހިފައެވެ.
ޝައިޚް މުއިޒް ޤުރުއާން ހިތު ދަސްކުރެއްވީ ޢުމުރުން އެންމެ 14 އަހަރުގައެވެ، އަދި އޭގެ ފަހުން ހަދީސް އާއި އަރަބި އިލްމަށް ޚާއްޞަވުމަށް 10 އަހަރު ޢިލްމު އުނގެނިވަޑައިގަތެވެ. މިހާރު ކޮލޮމްބޯގެ އިންޓަނެޝަނަލް އިސްލާމިކް އިންސްޓިޓިއުޓްގެ ޢަރަބި ބަހުގެ މުދައްރިސެއްގެ މަގާމު އަދާކުރަމުންދާ ޝައިޚް މުއިޒު ވަނީ ކޮލޮމްބޯގެ ވެއްލަވައްތަ މިސްކިތުގެ އިމާމުކަމާއި ޚަތީބުކަންވެސް ވަނީ ކުރައްވާފައެވެ.
ޝެއިހް މުއިއްޒުގެ އައްޑޫ ދަތުރުގެ އިންތިޒާމްތައް ހަމަޖައްސަނީ ހިތަދޫ ނޫރުލް އިސްލާމް ޖަމިއްޔާގެ ފަރާތުންނެވެ. މުއިޒް ބުޚާރީގެ ދަތުރުފުޅުގެ އިންތިޒާމްތަކަށް އެކި ގޮތްގޮތުން އެހީތެރިކަން ފޯރުކޮށް ދޭން ބޭނުންވާ ފަރާތްތަަކަށް ވަނީ އެ ޖަމިއްޔާ އިން ވަނީ ފުރުސަތު ހުޅުވާލައިފަ އެވެ.