ބަނގުރާ ބުއި މީހަކު 42 ދުވަހަށް ގޭބަންދުކުރަން ކްރިމިނަލް ކޯޓުން ހުކުމްކޮށްފި އެވެ.
އެ ހުކުމް އިއްޔެ އިއްވީ ގއ. ގެމަނަފުށި, އަސްރުމާގޭ އާލިމް ހަސަންގެ މައްޗަށެވެ.
އޭނަގެ މައްޗަށް ގޭބަންދުގެ ހުކުމެއް އައީ މަސްތުވާތަކެތި ބޭނުންކޮށް ވިޔަފާރިކުރާ ކަމަށް ތުހުމަތުކުރެވިގެން ފުލުހުން ތަހުގީގުކުރި މައްސަލައެއްގައި ބަނގުރާ ބުއިމުގެ ކުށުގެ ދައުވާއަކާ ގުޅިގެންނެވެ.
އާލިމް ވަނީ މަސްތުވުމަށް, ބިޔަރު ބޭނުންކުރާ ކަމަށް ބުނެ, ބަނގުރާ ބުއިމުގެ ކުށަށް އިއުތިރާފު ވެސް ވެފަ އެވެ.
އެ ކުށުގެ އަސާސީ އަދަބަކީ 1 މަހާއި 6 ދުވަހަށް ޖަލަށްލުމެވެ. ނަމަވެސް ކުށަށް އިއުތިރާފުވުމާއެކު އެއް ދަރަޖަ ދަށްކޮށް އޭނަގެ އަދަބު 27 ދުވަހަށް ދަށްވެ އެވެ. އަދި ހަ ދުވަހުގެ ބަންދު އުނިކޮށް އާލިމް މިހާރު ތަންފީޒުކުރަން ޖެހޭ 21 ދުވަހުގެ ޖަލު އަދަބު ގޭ ބަންދަށް ވަނީ ބައްދަކޮށްފަ އެވެ.