މަޝްހޫރު ދީނީ އިލްމުވެރިޔާ ޝެއިޚް އާދަމް ޝަމީމް އައްޑޫ ސިޓީއަށް ވަޑައިގެންފިއެވެ.
ޝެއިޚް ޝަމީމް އައްޑޫ ސިޓީއަށް ވަޑައިގެންފައި މިވަނީ އަލް-އަސްރު ޖަމިއްޔާ އާއި ހިތަދޫ ނޫރުލް އިސްލާމް ޖަމިއްޔާ ގުޅިގެން އައްޑޫގައި ހިންގާ ދީނީ ހޭލުންތެރިކަން އިތުރު ކުރުމުގެ ޕްރޮގްރާމެއްގައި ބައިވެރިވެވަޑައިގަތުމަށެވެ. އެ ޕްރޮގްރާމްގައި ދަރުސް ދެއްވުމަށް ސްރީލަންކާގެ މަޝްހޫރު ދީނީ އިލްމުވެރިޔާ މުއިޒް ބުޚާރީ ވެސް މިއަދު ވަނީ އައްޑޫ ސިޓީއަށް ވަޑައިގެންފައެވެ.
ނޫރުލް އިސްލާމް ޖަމިއްޔާގެ ފަރާތުން މައުލޫމާތު ދެއްވާ ގޮތުގައި ޝެއިޚް ޝަމީމްގެ ޚާއްސަ ދަރުސެއް މިއަދު އަޞުރު ނަމާދަށް ފަހު ސ. ހިތަދޫ މަސްޖިދު ބާބުލް ޚައިރްގައި އޮންނާނެ އެވެ. މިދަރުސް އަޑުއެހުމަށް ވީހާވެސް ގިނަ ބަޔަކު ވަޑައިގެން ދެއްވުމަށް އެ ޖަމިއްޔާގެ ފަރާތުން އެދިލައްވައެވެ.
މީގެ އިތުރުން މިއަދު ހަވީރު ފޭދޫ މަސްޖިދުލް އަމާންގައި ޝެއިޚް އަބްދުﷲ ރަޝީދު ދަރުސެއް މިއަދު ހަވީރު އޮންނާނެ ކަމަށް ވެސް ނޫރުލް އިސްލާމް ޖަމިއްޔާގެ ފަރާތުން މައުލޫމާތު ދެއްވައެވެ/