މީގެ ކުރިން ވެސް އެތައް ފަހަރެއްގެ މަތިން ރާއްޖެ އަށް ޒިޔާރަތްކޮށްފައިވާ ބޮލީވުޑްގެ ބަތަލާ ކަރީނާ ކަޕޫރް ރާއްޖޭގައި ޗުއްޓީ ހޭދަކުރަމުން އެބަދެ އެވެ
އޭނަ އާއި ފިރިމީހާ ސައިފް އަލީ ޚާންގެ އިތުރުން އެ މީހުންގެ ދެ ކުދިން ކަމަށް ތައިމޫރް އާއި ޖޭ ޗުއްޓީ އަށް ރާއްޖެ އައީ އިއްޔެ އެވެ. ކަރީނާ އާއިލާއާ އެކީ ޗުއްޓީ އަށް މި އައީ އިންޑިއާގައި ދިވާލީ ފާހަގަކުރުމުގެ ފޯރިގަނޑުގެ ތެރޭގަ އެވެ. ރާއްޖޭގައި ނަގާފައިވާ ފޮޓޯއަކާ އެކީ އޭނަ ދިވާލީ ތަހުނިޔާ ވެސް ހެޔޮއެދޭ ފަރާތްތަކަށް ފޮނުވާފައިވެ އެވެ.
ކަރީނާ ރާއްޖޭގައި ޗުއްޓީ ހޭދަކުރަމުން އަންނަ އިރު، އޭނަގެ އެންމެ ފަހުގެ ފިލްމު "ސިންގަމް އެގެއިން" މިއަދު ވަނީ ސިނަމާތަކަށް ގެނެސްފަ އެެވެ. ރޯހިތު ޝެޓީ ޑައިރެކްޓްކޮށްފައިވާ މި ފިލްމަކީ އޭނަގެ ކޮޕް ޔުނިވާސްގައި ހިމެނޭ އަޖޭ ދޭވްގަންގެ "ސިންގަމް" ފްރެންޗައިޒްގެ ތިން ވަނަ ބައެވެ.
"ސިންގަމް އެގެއިން" ގެ ކާސްޓްގައި ދީޕިކާ ޕަދްކޯން، އަރުޖުން ކަޕޫރް، ޓައިގާ ޝްރޮފްގެ އިތުރުން ރޯހިތުގެ ކޮޕް ޔުނިވާސް އަށް ނިސްބަތްވާ ފިލްމުތައް ކަމަށްވާ "ސިމްބާ" ގެ އެކްޓަރު ރަންވީރު ސިންގް އާއި "ސޫރިއަވަންޝީ" ގެ އެކްޓަރު އަކްޝޭ ކުމާރު ވެސް ހިމެނެ އެވެ.
"ސިންގަމް އެގެއިން" އަކީ މިި އަހަރު ރިލީޒްވި ކަރީނާގެ ތިން ވަނަ ފިލްމެވެ. އަނެއް ދެ ފިލްމަކީ މާޗްގައި ރިލީޒްކުރި "ކްރޫ" އާއި ސެޕްޓެމްބަރު ނެޓްފްލިކްސް އިން ގެނެސްދިން "ބަކިމްހަމް މާޑާސް" އެވެ.
ސައިފްގެ އެންމެ ފަހުގެ ފިލްމަކީ މާޗްގައި ރިލީޒްކުރި "ދެވާރާ" ޕާޓް 1" އެވެ.