މިއަދުން ފެށިގެން އާސަންދަގެ ހިދުމަތް ޕްރިއިވެޓް އިންޝުއަރެންސުން ކަނޑާލައިފި ދޭން ފަށައިފި އެވެ.
މިކަމާ ގުޅޭ ގޮތުން ކަމަށް ނޭޝަނަލް ސޯޝަލް ފްރޮޓެކްޝަން އެޖެންސީ (އެންސްޕާ) އިން ނެރެފައިވާ ބަޔާނެއްގައި ބުނެފައި ވަނީ މިއަދު ފެށިގެން ސަރުކާރުގެ އަދި އަމިއްލަ ސިއްހީ ހިދުމަތްދޭ މަރުކަޒުތަކުން "އައުޓް-ޕޭޝަންޓް" ގެ ހިދުމަތްތައް ހޯދާ މީހުންގެ ތެރެއިން ޕްރައިވެޓް އިންޝުއަރެންސް އޮންނަ ފަރާތެއް ނަމަ، ޕްރައިވެޓް އިންޝުއަރެންސަށް ބިލު ކުރާ ގޮތަށް ހަމަޖެހިފައިވާ ކަމަށެވެ.
"ޕްރައިވެންޓް އިންޝުއަރަންސް ނަގާފައިވާ ފަރާތްތަކުން އެ ފަރާތްތަކުގެ ޕެކޭޖްތަކުގެ ލިމިޓް ހަމަވުމުން ނުވަތަ ޕްރައިވެޓް އިންޝުއަރަންސް އިން އެ ހިދުމަތެއް ކަށަވަރު ނުކުރާ ނަމަ. އެ ފަރާތަކަށް މިހާރެކޭ ވެސް އެއްގޮތަށް އާސަންދައިން އެ ހިދުމަތްތަކަށް ކަވަރޭޖް ލިބިގެންދާނެ." އެންސްޕާ އިން ބުންޏެވެ.
އެތަނުން ވަނީ މި ބަދަލާ އެކު އާސަންދަ ސްކީމް މެދުވެރިކޮށް ހިދުމަތް ލިބިގަތުމަށް ފަހު އެކަމުގެ ފައިސާގެ ލިޔުން ހޯދުމަށް ހަނދުމަ ބެހެއްޓުމަށް ވެސް އިލްތިމާސްކޮށްފަ އެވެ. އަދި އެންސްޕާއިން ވަނީ އުސޫލާ ހިލާފަށް ހިދުމަތްދޭ މަރުކަޒުތަކުން އަމަލުކުރާކަން ފާހަގަ ކުރެވިއްޖެ ނަމަ އެކަން އާސަންދަ ކޮމްޕެނީ ލިމިޓެޑްގެ "ޝިކާވަތި" ޗެޓްލައިން 7951400 އަށް ރިޕޯޓު ވެސް އެދިފަ އެވެ.
އެތަނުން ބުނީ މިފަދަ ބަދަލުތަކެއް ގެންނަން ނިންމީ ދިވެހި ރައްޔިތުންނަށް ރަނގަޅު ފެންވަރުގެ އަސާސީ ސިއްހީ ހިދުމަތް ފޯރުކޮށް ދިނުމަށްޓަކައި ހިންގޭ އިޖުތިމާއީ އާސަންދަ އަކީ ދެމެހެއްޓެނެވި ގޮތެއްގައި ފެންވަރު ރަނގަޅު ހިދުމަތްތަކެއް ފޯރުކޮށްދެވޭ ނިޒާމަކަށް ހެދުމަށްޓަކައި ކުރެވޭ މަސައްކަތުގެ ދަށުން ކަމަށެވެ.