އަންނަ އަހަރުގެ ބަޖެޓުގައި ކައުންސިލްތަކަށް ދޭން ކަނޑައެޅި ބަޖެޓް ކުޑަކޮށްފައިވާތީ އައްޑޫ މޭޔަރު އަލީ ނިޒާރު ކަންބޮޑުވުން ފާޅުކުރައްވައިފި އެވެ.
ސޯޝަލް މީޑިއާ ޕޯސްޓެއްގައި އޭނަ ވިދާޅުވީ ދައުލަތުގެ ބަޖެޓްގެ މަދުވެގެން ފަސް ޕަސެންޓް ކައުންސިލްތަކަށް ބްލޮކް ގްރާންޓްގެ ގޮތުގައި ހަމަޖެހިފައިވާ އިރު، އަދި 56.6 ބިލިއަން ރުފިޔާގެ ބަޖެޓެއް ސަރުކާރުން ހުށަހަޅާފައިވާ އިރު، ކައުންސިލްތަކަށް ލިބެންވާ އަދަދުގެ ތެރެއިން ތިންބައިކުޅަ އެއްބައި މަދުވުމަކީ ކައުންސިލްތަކަށް ވަރަށް ބޮޑު ބޭއިންސާފެއް ކަމަށެވެ.
"ކައުންސިލްތަކަށް ގާނޫނުން ކަނޑައޅިފަވާ ބަޖެޓްގެ ފަސް ޕަސެންޓް ސަރުކާރުން ދިރުވާލާ އިރު، އަދި ރައްވެހި ޚިދުމަތްތައް ހުއްޓެންދާ އިރު ވެސް ރައްޔިތުންގެ ހައްޤުތައް ކަށަވަރު ކުރާނެ ކަމަށް ބުނި މަޖިލިސް މެމްބަރުންތައް ހައްޤު ބަސް ނުބުނެވި ގަނޑުވެފަ ކަތީބުންގެ ސިފައިގައި ފިތިފައި ތިބުމަކީ ލަދުވެތި ކަމެއް." އޭނަ ވިދާޅުވި އެވެ.
އަންނަ އަހަރަށް ލަފާކޮށް ހުށަހެޅި 56.6 ބިލިއަން ރުފިޔާގެ ބަޖެޓްގައި ކައުންސިލްތަކަށް ދޭން ކަނޑައަޅާފައި ވަނީ 1.5 ބިލިއަން ރުފިޔާ އެވެ. މި އަހަރަށް ކައުންސިލްތަކަށް ކަނޑައެޅި ބަޖެޓަކީ 2.2 ބިލިއަން ރުފިޔާ އެވެ.