ޖަލީލަށް ނިިޝާން އަސްކަރީގެ ވެރިކަމުގެ އިއްޒަތް

ރިޓަޔާޑް މޫސާ އަލީ ޖަލީލަށް ނިިޝާން އަސްކަރީގެ ވެރިކަމުގެ އިއްޒަތް އަރުވަން ރައީސް ޑރ. މުހައްމަދު މުއިއްޒު ނިންމަވައިފި އެވެ.

ރައީސް އޮފީހުން ބުނީ މޫސާ އަލީ ޖަލީލުއަށް އެ ޝަރަފު އަރުވަން ނިންމީ ދިވެހި ގައުމާއި ރައްޔިތުންގެ ސަލާމަތަށްޓަކައި އަސްކަރީ ގޮތުން ކުރެއްވި އަގުހުރި ހިދުމަތްތަކާއި، ގައުމުގެ އިސްތިގުލާލާއި ސިޔާދަތު ރައްކާތެރިކޮށް ދެމެހެއްޓުމަށްޓަކައިކޮށް ދެއްވި މަސައްކަތްތަކާ ގުޅިގެން ކަމަށެވެ.

ހާއްސަކޮށް ނޮވެމްބަރު 3، 1988 ނޮވެންބަރު ގައި ރާއްޖެއަށް ކުރިމަތިވި ނުރައްކާތެރި އުދުވާނީ ހަމަލާއާ ގުޅިގެން، ދިވެހި ގައުމާއި ރައްޔިތުންގެ ދިފާއުގައި ކުރެއްވި މަތިވެރި ޖިހާދުގެ އަގު ވަޒަންކުރެއްވުމުގެ ގޮތުން ކަމަށެވެ،

ނިިޝާން އަސްކަރީގެ ވެރިކަމުގެ އިއްޒަތް އަލީ ޖަލީލަށް އަރުވަން ނިންމީ ގާނޫނުއަސާސީގެ 115 ވަނަ މާއްދާއިންނާއި، ގާނޫނު ނަންބަރު 97/1 (ދިވެހިރާއްޖޭގެ އިއްޒަތުގެ ގާނޫނު) ގެ ދަށުން ރައީސުލްޖުމްހޫރިއްޔާއަށް ލިބިވަޑައިގަންނަވާ އިހުތިޔާރުގެ ދަށުންނެވެ.

އެ ޝަރަފު އޭނަ އަސށް އަރުވާނީ މާދަމާ ފާހަގަކުރާ ނަސްރުގެ ދުވަހާ ގުޅިގެން މާދަމާ ރޭ ބާއްވާ ޖަލްސާގަ އެވެ.