ބޮލީވުޑްގެ ޒުވާން ތަރިން ކަމަށްވާ ސިދާންތު ޗަތުރެދީ އާއި ޑިޝާ ޕަޓާނީ ހޮރޯ-ކޮމެޑީއެއް ކުޅޭ ގޮތަށް ހަމަޖެހިއްޖެ އެވެ.
ފިލްމީ ޚަބަރުތައް ގެނެސްދޭ މީޑިއާތަކުން ބުނީ މިއީ މިލަޕް މިލަން ޒަވޭރީ ޑައިރެކްޓްކުރަން ހަމަޖެހިފައިވާ ފިލްމެއް ކަމަށެވެ. އެކަމަކު އަންނަ އަހަރުގެ ކުރީކޮޅު ޝޫޓިން ފަށަން ހަމަޖެހިފައިވާ ފިލްމުުގެ ނަމެއް އަދި ސާފެއް ނުވެ އެވެ.
މި ފިލްމު ވާނީ އެކްޓަރު ޓައިގާ ޝްރޮފްގެ ކުރީގެ ލޯބިވެރިޔާ ޑިޝާ އާއި ސިދާންތު އެކީގައި ކުޅޭ ފުރަތަމަ ފިލްމަށެވެ. އަރަމުން އަންނަ އުންމީދީ އެކްޓަރު މީގެ ކުރިން ވެސް ހޮރޯ-ކޮމެޑީއެއް ކުޅެފައިވެ އެވެ. އެއީ ކާސްޓްގައި ކެޓްރީނާ ކައިފާއި އިޝާން ޚައްތަރު ވެސް ހިމެނޭ 2022 ގެ "ފޯން ބޫތު" އެވެ.
ސިދާންތުގެ އެންމެ ފަހުގެ ފިލްމަކީ ސެޕްޓެމްބަރުގައި ރިލީޒްކުރި އެކްޝަން ތުރިލާ "ޔުދްރާ" އެވެ. އޭނަ ދެންމެ އަވަހަށް ފެންނާނީ ލޯބީގެ ފިލްމު "ދަޅަކް 2" އިންނެވެ. ޑިޝާގެ އެންމެ ފަހުގެ ފިލްމަކީ ޖޫންގައި ގެނެސްދިން "ކަލްކީ 2989 އޭޑީ" އެވެ. އޭނަގެ ކުރިއަށް އޮތް ފިލްމަކީ މި މަހުގެ 14 ގައި ރިލީޒްކުރަން ހަމަޖެހިފައިވާ "ކަންގޫވާ" އެވެ.
ސްކްރީން ޑައިޓަރެއްގެ ގޮތުގައި ވެސް މަސައްކަތް ކުރަމުން އަންނަ މިލަޕް ހޮރޯ-ކޮމެޑީއަކަށް ތައްޔާރުވަމުން އަންނަ އިރު، އޭނަގެ އެންމެ ފަހުގެ ފިލްމަކީ ޖޯން އަބްރަހަމްގެ 2021 ގެ އެކްޝަން ފިލްމު "ސަތިއަމޭވް ޖަޔަތޭ 2" އެވެ.