ރާއްޖޭގެ ހުރިހާ ރަށަކުން އިގުތިސާދީ މައުލޫމާތު އެއްކުރުމުގެ މަސައްކަތް ބިޒްނަސް ސެންޓަރު ކޯޕަރޭޝަން (ބީސީސީ) އިން ފަށަން ނިންމައި އެ މަސައްކަތް މިއަދު އިފުތިތާހުކޮށްފި އެވެ.
މިއީ "ދިވެހިރާއްޖޭގެ އިގުތިސާދީ ފުރަމަލަ 2025" ގެ ނަމުގައި ކުރިއަށް ގެންދާ މަސައްކަތެކެވެ.
ބީސީސީން ބުނީ މި މަޝްރޫއުގެ ދަށުން ރާއްޖޭގެ މީހުން ދިރިއުޅޭ ހުރިހާ ރަށަކަށް ޒިޔާރަތްކޮށް އެ ރަށްރަށުގެ އިގުތިސާދީ ހާލަތްތަކާ ބެހޭ އެންމެ ފަހުގެ މައުލޫމާތު ހޯދާނެ ކަމަށެވެ.
މި މަސައްކަތް އެންމެ ފުރަތަމަ ފަށަން ހަމަޖެހިފައި މި މަހުގެ ތެރޭގައި ހއ. އަތޮޅުންނެވެ.
ބީސީސީން ބުނީ މި މަސައްކަތުގެ ސަބަބުން އިތުރު އެހީތެރިކަމަށް ބޭނުންވާ ކުދި ވިޔަފާރިތައް ދެނެގަނެވި އާ ހިދުމަތްތައް ފޯރުކޮށް ދިނުމަށް އެހީތެރިވެވޭނެ ކަމަށެވެ. އަދި ކުރިއަށް އޮތް ތަނުގައި ވިޔަފާރި އާއި އިގުތިސާދީ ދާއިރާގެ ހިދުމަތްތައް ބައްޓަން ވާނީ މި މަސައްކަތުގެ ތެރޭގައި އެއްކުރާ މައުލޫމާތުގެ މައްޗަށް ކަމަށް ބުންޏެވެ.
އިކޮނޮމިކް މިނިސްޓަރު މުހައްމަދު ސައީދު ވިދާޅުވީ އިގުތިސާދީ މައުލޫމާތު އެއްކުރަން ހުރިހާ ރަށެއްގައި ކުރިއަށް ގެންދާ މަސައްކަތުގެ ތެރޭގައި ވަރަށް ފަރުވާތެރިކަމާއެކު ކޮންމެ ރަށެއް ރަނގަޅަށް މޮނިޓަކުރެވި، ދިރާސާ ކުރެވިގެން އެ ރަށެއްގައި މިހާރު ހިނގާ އިގުތިސާދީ ހަރަކާތްތަކަކީ ކޮބައިކަމާއި އެ ރަށެއްގައި ކުރެވިދާނެ އިގުތިސާދީ ކަންތައްތަކަކީ ކޮބައިތޯ ބެލެނޭނެ ކަމަށެވެ.
ބީސީސީން ބުނީ އަމާޒަކީ އަންނަ އަރުގެ މެދަކާ ހަމައަށް ދާ އިރު މަސައްކަތް އެއްކޮށް ނިންމާލައި މިކަމާ ގުޅޭ މައުލޫމާތު ރަސްމީކޮށް އާންމުކުރުމެވެ.