ބޮލީވުޑްގެ ތަރިންގެ ގޭގެ ކަރަންޓް ބިލަށް އަރަނީ ކިހާ ވަރެއްތޯ ބަލާކަަށް ފަހަރުގައި މާ ގިނަ ބަޔަކު ޝައުގުވެރި ނުވެދާނެ އެވެ. އެކަމަކު ސަޕޯޓްކުރާ ތަރިންގެ އާމްދަނީ އާއު އެ މީހުންގެ މުއްސަނދިކަމުގެ ވާހަކައަށް މީޑިއާތަކުގައި އަބަދު ވެސް ވަރަށް ބޮޑު ސަމާލުކަމެއް ލިބެ އެވެ.
އެގޮތުން މި ފަހަރު މިއޮތީ މަޝްހޫރު ތަރިންތަކެއްގެ ގޭގެ ކަރަންޓް ބިލަށް އަރާ ވަރުގެ ވާހަކަ އެވެ. މި ލިސްޓްގެ އެންމެ ކުރީގައި އޮތީ ޝާހްރުކް ޚާނެވެ.
މިއަދު 59 އަހަރު ފުރުނު އެކްޓަރުގެ ގޭގެ ކަރަންޓް ބިލަށް މަހަކު އެވްރެޖްކޮށް 43-45 ލައްކަ ރުޕީސް އަރާ ކަމަށް ރިޕޯޓްތައް ބުނެ އެވެ. ފާހަގަކޮށްލަން ޖެހޭ ކަމަކީ މުމްބާއީގައި ހުންނަ ޝާހްރުކްގެ ގެ 'މަންނަތު' އަކީ އިންޑިއާގެ އެންމެ އަގު ބޮޑު ގެތަކުގެ ތެރޭގައި ހިމެނޭ ގެއެއްކަމެވެ.
ގަނޑުވަރެއް ކަހަލަ އެ ގެއަކީ އާންމު ގެއެއްގައި ނުހުންނެ އެތައް ފެސިލިޓީއެއް ހުރި ގެއެކެވެ. އޭގެ ތެރޭގައި ޒަމާނީ ޖިމަކާއި ސިނެމާ ހޯލެއް ވެސް ހިމެނެ އެވެ. ޝާހްރުކް އަކީ ބޮލީވުޑްގެ އެކްޓަރުންގެ ތެރެއިން އެންމެ މުއްސަނދި އަދި އެންމެ ބޮޑު އެއް ތަރި އެވެ.
އިތުރު ތަރިންތަކެއްގެ ގޭގެ ކަރަންޓް ބިލަށް އަރާ މިންވަރު:
* އަމީތާބް ބައްޗަންގެ ގެ "ޖަލްސާ" ގެ ކަރަންޓް ބިލަށް މަހަކު 22-25 ލައްކަ ރުޕީސް
* ސަލްމާން ޚާންގެ ގެލެކްސީ އެޕާޓްމަންޓްގެ ކަރަންޓް ބިލަށް މަހަކު އެވްރެޖްކޮށް 23-25 ލައްކަ ރުޕީސް
* އާމިރު ޚާންގެ ގޭގެ ކަރަންޓް ބިލަށް މަހަކު އަރަނީ އެވްރެޖްކޮށް 9-11 ލައްކަ ރުޕީސް
* ދެމަފިރިން ކަމަށްވާ ސައިފް އަލީ ޚާނާއި ކަރީނާ ކަޕޫރްގެ ގޭގެ ކަރަންޓް ބިލަށް މަހަކު 30-32 ލައްކަ ރުޕީސް
* ދެމަފިރިން ކަމަށްވާ ދީޕިކާ ޕަދްކޯނާއި ރަންވީރުގް ސިންގްގެ އެޕާޓްމަންޓްގެ ކަރަންޓް ބިލަށް މަހަކު 13-15 ލައްކަ ރުޕީސް
* ދެމަފިރިން ކަމަށްވާ ކެޓްރީނާ ކައިފާއި ވިކީ ކޯޝަލްގެ އެޕާޓްމަންޓްގެ ކަރަންޓް ބިލަށް މަހަކު 8-10 ލައްކަ ރުޕީސް