ރާއްޖޭގެ ސުކޫލުތަކުގައި މިހާރު ކިޔަވައި ދެމުން އަންނަ މުގައްރިރު ބަދަލުކޮށް، ކިޔަވައިދޭ ވަގުތު އިތުރު ވެސް ކުރަން ޖެހޭ ކަމަށް ރައްޔިތުންގެ މަޖިލީހުގެ ދ. މީދޫ ދާއިރާގެ މެންބަރު އަހުމަދު ސިޔާމް މުޙައްމަދު ސަން ސިޔާމް) ވިދާޅުވެެއްޖެ އެވެ.
ބަނޑިދޫ ސްކޫލުގެ 2022-2023 ވަނަ އަހަރުގެ އަހަރީ އިނާމު ދިނުމުގެ ޖަލްސާގައި ރޭ ޝަރަފުވެރި މެހުމާނެއްގެ ގޮތުގައި ބައިވެރިވެވަޑައިގެން އޭނަ ވިދާޅުވީ ދުނިޔޭގެ އެހެން ގައުމުތަކުގެ ކިޔަވާ ކުދިންގެ ފަރާތުން ގިނަ މަންފާތަކެއް އެ ގައުމުތަކަށް ކުރާ ކަމަށެވެ.
ނަމަވެސް، ރާއްޖޭގައި ކިޔަވާ ކުދިންގެ ފަރާތުން ލިބެނީ ކޮން މަންފާއެއްތޯ ސިޔާމް ސުވާލު އުފައްދަވާފައިވެ އެވެ. އޭނަ ވިދާޅުވީ ދައުލަތުގެ ބަޖުޓުން ތައުލީމަށް ބޮޑު ޚަރަދެއް ކުރާއިރު، އެ ފައިސާ އިން ޓެކްސް ދައްކާނެ ދަރިވަރުން އުފެއްދެމުން ނުދާ ކަމަށެވެ.
ސިޔާމް ވިދާޅުވީ ހިދުމަތްތެރި ދިވެހިން ބިނާކުރަން ބޭނުންވާ ނަމަ ސްކޫލްތަކުގައި މިހާރު ކިޔަވައިދޭ މުގައްރިރު ކިޔައިވައި ބަދަލު ކުރަން ޖެހޭ ކަމަށް ދެކެވަޑައިގަންނަވ ކަމަށެވެ. އޭގެ ސަބަބުތަކުގެ ތެރޭގައި ބޭނުންވާ ފުރިހަމަ ކުރިއެރުން ހޯދައި ދިނުމާއި ދަރިވަރުންނަށް މުސްތަގްބަލަށް ކުރިއެރުންތައް ހޯދުން ހިމެނޭ ކަމަށް ވިދާޅުވި އެވެ.
ސިޔާމު ވިދާޅުވީ މުގައްރިރުގައި މިހާރު ގިނަ ގޯސް ކަންތައްތަކެއް ހުރިއިރު، އެކަންތައް ހައްލު ކުރެވޭ ވަރުގެ ޓީޗަރުން އެބަ ތިބިކަމަށެވެ.
"ޑިގުރީ ހައްދަވައި، ނާސިން ހައްދަވައި، ތަޖުރިބާ ގޮތަށް ބެލިޔަސް، އެހެންވީމަ މި ކަންތައް އެބަ ޖެހޭ ރަނގަޅު ކުރަން އަދި، ކިޔަވާދޭ ވަގުތު ވެސް އެބަ ޖެހޭ ގިނަކުރަން."
އޭނަ ވިދާޅުވީ ކިޔަވާ ކުދިންގެ މައިންބަފައިން "ކުއްޖާ ބޮޑު ކުރަން" ވިސްނަން ޖެހޭ ކަމަށާއި ކުއްޖާ ބޮޑު ނުކުރާ ކަމަށް ވާނަ އެކުއްޖާގެ ފަރާތުން ލިބެން ޖެހޭ "ލޮލުގެ ފިނިކަމެއް" ވެސް ނުލިބޭނެ ކަމަށެވެ.
އަދި އެ މަގުން ކުއްޖާ ތަރުބިއްޔަތު ކުރަން މަސައްކަތް ނުކުރާ ނަމަ ކުދިންނަށް ކަންކަމާ ކުރިމަތިލައި އެކަމެއް މެނޭޖް ކުރަން ވެސް ނޭނގޭ ކަމަށް ސިޔާމު ވިދާޅުވި އެވެ. އަދި އެދަދަ ކުއްޖަކަށް އެއްވެސް ކަމެއް ކުރަން ނޭނގޭނެ ކަމަށް ވެސް ވިދާޅުވި އެވެ.
"އެހެންވީމަ އަޅުގަނޑު ޕޭރެންޓުންނަށް ވެސް ގޮވާލަން ޓީޗަރުންނަށް ވެސް ގޮވާލަން އެކުދިން ކުޑަ ކުދިންނަށް ނުހަދަމް. އެ ކުދުން ބޮޑެތިވެފައި ތިބި ކުދިންނަށް ހަދާށޭ،" ސިޔާމު ވިދާޅުވި އެވެ. "ބޮޑެތި ކުދިންނަށް ދެއްވަން ޖެހޭ ކަަހަލަ ނަސޭހަތް ދެއްވާށޭ."