މިއަދު ފާހަގަ ކުރަމުން އަންނަ ނަސްރުގެ ދުވަހާ ގުޅިގެން ސިފައިން ބާއްވާ މިލިޓަރީ ޑިސްޕްލޭ މިއަދު ހަވީރު އޮންނާނެކަމަށް އެމްއެންޑީއެފުން ބުނެފި އެވެ.
އާއްމުންނަށް ހުޅުވާލައިގެން ބާއްވާ މި ހަރަކާތް ފަށާނީ 4:15 ގައި ޖުމްހޫރީ މައިދާނުގައެވެ. މިލިޓަރީ ޑިސްޕްލޭގައި އެމްއެންޑީއެފުން ގެންގުޅޭ އެކި އުޅަނދުތަކާއި ބަޑިތައް ދައްކައިލާނެ އެވެ.
ނަސްރުގެ ދުވަހާ ގުޅުވައިގެން އެމްއެންޑީއެފުން މިއަދު ވަނީ ނޮވެމްބަރު 3، 1988 ގެ އުދުވާނީ ހަމަލާގެ ހަނދާންތަކާ ގުޅޭ އެތައް އެއްޗެއް ދައްކުވައިދޭ މައުރަޒެއް ވެސް ފަށައިފަ އެވެ. އާޓް ގެލެރީގައި މިއަދު ހެނދުނު ފެށި މި މައުރަޒު މި މަހުގެ 9 އާ ހަމައަށް ކުރިއަށް ގެންދަން އޮތީ ނިންމައިފަ އެވެ.
މިއީ އާންމުންނަށް ހުޅުވާލާފައިވާ މައުރަޒެކެވެ.