އިންޑިއާގެ ބަދަލުގައި ރާއްޖެ މެދުވެރިކޮށް ބަންގްލަދޭޝް އިން ދުނިޔޭގެ އެކި ހިސާބުތަކަށް އަންނައުނު އެކްސްޕޯޓް ކުރަން ފަށައިފި އެވެ.
އެ ގައުމަކީ ދުނިޔޭގައި ދެވަނަ އަށް އެންމެ ބޮޑު ގާމެންޓް އުފައްދާ ގައުމެވެ.
ބަންގްލަދޭޝް އިން ބުނީ ރާއްޖެ މެދުވެރިކޮށް އަންނައުނު އެކްސްޕޯޓު ކުރަން ނިންމީ، އިންޑިއާގެ އެއާޕޯޓުތަކާޢި ޕޯޓުތަކަށް ބާރު ބޮޑުވެ، އެކްސްޕޯޓަށް ގިނަ ވަގުތި ނަގާތީ އެވެ. ކުރުމުގައި ޑިލޭތައް އުޅޭތީ އެވެ. އެހެންވެ މިހާރު މި ގެނައި ބަދަލާ އެކީ ދެން ދުނިޔޭގެ އެކި ހިސާބުތަކަށް ބަންގްލަދޭޝް އިން އަންނައުނު އެކްސްޕޯޓްކުރާނީ ރާއްޖެ މެދުވެރިކޮށެވެ.
ރާއްޖެ އިިން މިހާރު ސީ-ޓު-އެއާ ކާގޯގެ ހިދުމަތް ވެސް ދެމުން އަންނަ އިރު، ބަންގްލަދޭޝް އަކީ އެ ހިދުމަތް ވެސް ބޭނުން ކުރަމުން އަންނަ ގައުމެކެވެ.
ބަންގަލަދޭޝްގެ އެކްސްޕޯޓުގެ 80 ޕަސެންޓަކީ އަންނައުނެވެ. އަދި އެއީ އެ ގައުމުގެ ގައުމީ އުފެއްދުންތެރިކަމުގެ 13 ޕަސެންޓެވެ.